升級
   100%
TA的每日心情 | 開心
2015-10-14 11:44 |
|---|
簽到天數: 7 天 [LV.3]偶爾看看II
|
我係50KM參賽者, 當日我開始跑時已發覺終點的電視無顯示, 我都問其他參賽者邊到可以睇到跑左幾多個圈,但係無人可以答到我. 所以我開始時都係睇住自己隻錶黎跑, 到後來電視有顯示, 一直都覺得無乜問題, 到我太太黎到我話佢知我大約淨返16個圈, 叫佢幫我手倒數圈數, 佢走過去睇完終點電視, 話我知淨返23個圈, 當時我都覺得有問題,但無奈都係信大會圈數, 但當我再跑多5個時, 我見我太太在電視機旁同大會理論緊, 然後到我跑到我隻錶顯示50KM時, 我走過去同終點既工作人員講我隻錶已經顯示左我已經跑左50KM. 而當時大會工作人員叫我再跑多1KM 就當你跑完, 跟住我照做, 跑完後, 工作人員抄低我手錶上面既時間當完. 之後走過電腦旁既工作人員到問成績, 工作人員話未有紀錄, 我問佢我係咪50名內(因為50名內有鞋送), 但工作人員答我應該唔係50名內, 我問佢參加人數有幾多, 出面仲有幾十人跑緊, 點解我唔係50名內呢. 跟住幾位工作人員商討完後就俾左對鞋我. 到近日响網上既成績公佈, 我係排第15名. 所以如果當唔爭取就拎唔到對鞋. 正如上面師兄話齋, 反正都無下次. 不過有感而發, 替大家不值! |
|
發表於 2015-8-28 11:18:16
