17-5-09必達夏日長跑 2009(8K)

華哥

原帖由 arnold 於 2009-5-17 16:03 發表

                               
登錄/註冊後可看大圖

我們的袓國在各方面都取得很大的進展, 必逹好應該與時並進. 不可以一句"這個比賽已經十年啦"做擋箭牌.  要知道參加的人數不斷增加, 體能和對長跑的認識亦差異不斷增大.

起碼應該提醒參賽者在酷熱天氣下比賽 ...

我應為唔係事事都要吓吓提醒參加者，佢哋個個唔係傻仔，訓練成果同狀態只有參賽者自己先至知道，得唔得，去唔去，事前身體一定出現變化，情況慢慢差落去，但又肯放棄，梗硬頂落去，才出現中暑。你問吓中暑Ｄ人，佢哋會唔會投訴或唔滿意大會無提天氣熱，小心中暑。
點解將自己的決失責任，完全推缷俾人哋。天氣熱，濕度高，係開賽前係人都知，係人都感受到。
這個賽事話明係廈日長跑，朝早起身溫度已經甘高，大家只係為咗體育精神，永不放棄的心態去盡力完成賽事，所以甘心冒住中暑危險，希望達到自己目標。大會主辦賽事，參加者應按自己能力去跑，快、慢、去、停由自己決定。
路線一早已經公佈咗，任何人自己隨時可以去試路。至於可以預計排名，真係說笑！
如果之前又要抽時間去攞晶片，相信絕大份人會反對，無需要，浪費時間，最好比賽個朝先派。

華哥

原帖由 Anthony 於 2009-5-17 12:55 發表

                               
登錄/註冊後可看大圖

有上年的慘痛經驗(水站唔夠)，今年學精了，自己帶水、慢jog，好輕鬆。但見到有d跑手瞓低，仲要送院，真是替他們擔心，希望他們休息過後無恙。

今日大會安排有兩個失當之處，一是遲開跑，二是唔夠水站。但睇 ...

國際賽係５Ｋ先至有水站，話知你天氣熱定凍，我有年跑廈門馬拉松，氣溫３０度，太陽曬到甩皮，都係每５Ｋ先至有水站。
而家第３Ｋ同第５Ｋ都有水站飲水，已經足夠。設立水站位置都要考慮路面寬度。
報名表寫明係８點半起步，如果認為唔合自己心水，或怕熱，可以唔報名參加。
因為要安排下一代的小朋友跑先，大人遲Ｄ先起步，可以理解，如果安排小朋友遲Ｄ起步，佢哋仲辛苦，相信好多小朋友頂唔順。

[ 本帖最後由 華哥 於 2009-5-17 17:42 編輯 ]

華哥

原帖由 running-sue 於 2009-5-17 16:13 發表

                               
登錄/註冊後可看大圖

希望身體不適既跑手, 快d冇事
恭喜各位得獎網友
神驚無神俾人叫去做訪問, 汗都冇時間抹, 又冇著番件網衫, 好彩對答補番數, 冇失禮大家
我響mytv.tvb.com睇互動新聞, 見到仇家都有上 ...

Sue 姐上電視好靚，對答大方得體，俾１００分。
今日你好勁，我臨尾２００先至過到你，真係追到我氣咳。

華哥

原帖由 wlau 於 2009-5-18 13:47 發表

                               
登錄/註冊後可看大圖

講真 "國際賽係５Ｋ先至有水站", 但佢今次比賽FOCUS 既, 係唔係國際性跑手?
我覺得要因性質同參賽者既身份而有所分別囉, 佢本身個水站DESIGN 上係有問題,
我琴日跑得比賽慢, 算係中後段既選手, 我經過水站既 ...

相信閣下是一位新進跑手，水站兩邊用係好普遍，就如渣打香港國際馬拉松，佢全馬有大半份水站都係兩邊用，有需要隨時去攞水，無人會阻止你，可能閣下係比較少比賽，所以唔明白同熟識賽道情況。
就因為好多主辦賽事的單位，都知道香港好熱，所以唔依照國際賽事規例，將水站設每３Ｋ左右便有水站。
比你差的人可能投訴要每Ｋ都要有水站，亦想要每個水站都設有大型電風扇或冷氣設施俾跑手降溫！
作一項假設，中五會考，全港試題一式一樣，有精英名校生去考，佢哋覺得好易，十優狀元，有普通學校的學生去考，佢哋有少少吃力，但都勉強考到中上或中等成績，而有一Ｄ係自修生或日間要返工而晚上讀夜校的學生，佢哋考時相當吃力，只能考到中下考績，社會上亦有Ｄ懶散學生，佢哋平日唔勤力讀書，所以考得好差。
當佢哋投訴份試卷Ｄ問題好深，令到佢哋考得好吃力，應付唔到，所以成績好差，或交白卷，建議以後Ｄ試卷題目要淺Ｄ，就吓Ｄ成績唔好Ｄ學生。你話甘樣得唔得？
大家跑同一條路，大家都受同一天氣熱影響，大家都係經過水站２次，點解有Ｄ人得，有Ｄ人唔得，就係個人天生質素同後天苦練的成果。
每次跑完，都應該首先檢討下自己的得與失，發覺有失的話，應日後加強訓練，以便應討日後的賽事。
比賽經驗係非常重要，賽事首先熟讀比賽路線同水站位置，比賽前唔好暴曬，起步唔好快，節奏同速度要保持得好，唔好俾人影響，了解自己當日臨場狀態，識得分配體力，中途遇到身體狀態突然下降，識得如何處理。
長跑係有好多學問，並不是隨意亂跑，相信閣下遲多幾年，累積咗有相當比賽經驗，就會係明天的我，打倒今日的我。

[ 本帖最後由 華哥 於 2009-5-18 17:01 編輯 ]

華哥

昨日暈倒的人，大部份是新進跑手同Ｄ年青人。
佢哋大部份多數係傍晚或晚上練跑，或係健身室跑步機上練跑，身處陰涼環境，甚少係甘曬甘熱天氣練跑，所以唔適應，導至身體受高溫下虛脫。
年青人好勝，一起步以快速去跑，身體係短時間就升到好高溫，所以捱到暈咗。
廈天練跑或比賽，切記係初段將體溫升到甘高，避免肌肉出現乳酸，以慢起順住跑，慢慢才加速。
我住天水圍，無去試賽道，一年內只跑呢條賽道２次，一次係必達廈日長跑，第二次係工聯會長跑，我對賽道唔熟，全靠記憶。
我都經過新手的階段，我從來只會苦練去適應天氣、路段上落，從來唔會要求天氣環境來遷就自己。
長跑就如人生，要努力學習，不斷改進，去適應社會環境求存，環境唔會因人而改變來遷就你，唯有自己去適應環境。如果事事想環境去遷就自己，廈天就話熱，冬天又話凍，世事那有事事如意。
我都今日這個階段，吃盡不少苦頭，流盡不少汗水，廈天上午９時練跑，酷熱天氣下跑１０Ｋ，紅色暴雨去練跑，條小路浸晒，９號風球，由荃灣經屯門跑返天水圍，冬天６度氣溫仲落緊雨都跑３０Ｋ，點解甘練，因為到Ｄ比賽時，無人知天氣變化係點，這樣可以克服同適應任何天氣同環境。
長跑甘辛苦我都捱得過，世上還那有事難到我。

華哥

講開水站，我請各位新進跑手留意，請不要在水站前停步或差不多停下來，然後慢慢取水，在係水站前慢慢行飲水，這樣是在長跑比賽時有好多人係後面上緊來，如果有一、兩個人停步取水慢慢行，後面Ｄ人就阻住咗，亦被迫停下來。
長跑運動精神同自律，不要妨礙有能力超越自己的人，跑得慢就請靠左，留返右邊空位俾別人超越自己。係水站前盡快早２０米靠近水站個邊來跑，順住一條直線跑去水站，唔好你水站前突然改變方面，係別人前面 cut 埋來取去，這樣會令到大家相撞，取完水後，如果太攰頂唔住，請不要在水站前行，應該係水站兩側或後面，離開Ｄ賽道，或係水站工作人員後面慢慢行休息吓。
呢Ｄ係長跑界多年來各人認同的自律，希望大家遵守，正式時，今日你讓人，明日人讓你，大家互相禮讓，大家玩得開心。