中銀香港第五十二屆體育節 – 2009 分齡組三項鐵人賽

上水馬王

呢場好可能係我第一場三項賽事

上水馬王

大家收到由大會寄來的資料未？

上水馬王

原帖由 ginnywong 於 2009-4-16 10:32 發表

                               
登錄/註冊後可看大圖

我要見證你的第一次, 到時要相認先得

多謝ginny師姐！

小弟到時都會為你打氣~

上水馬王

check過終於左數勒！

過兩日應該會去買裝備

上水馬王

原帖由 orce 於 2009-5-3 18:25 發表

                               
登錄/註冊後可看大圖

師兄打算買咩裝備? 呢度應該好多裝備王比到意見

小弟乜都無

會買頭盔、泳帽，可能買埋件鐵人衫(如果唔太貴的話)
風鏡應該唔買住...

仲有乜裝備係必須架呢？

上水馬王

原帖由 loudspeaker 於 2009-5-4 20:32 發表

                               
登錄/註冊後可看大圖

快的去租定先呀。星期六先租真的好蚊。
世紀今天去完，好似有幾部 merida 鋁架。
不知道是不是可以租的？

唔該晒Loud兄~

上水馬王

原帖由 key 於 2009-5-5 09:42 發表

                               
登錄/註冊後可看大圖

仲有呀, 記得帶號碼帶;
上次我南灣嗰個水陸兩項好慘, 唔記得左帶號碼帶，搞到要間生用扣針穿落件鐵人衫，真係好肉痛

呢樣野Loud兄都提過喎，晌邊度有得買呢？

上水馬王

原帖由 ginnywong 於 2009-5-5 17:06 發表

                               
登錄/註冊後可看大圖

下面係我的小小分享,提到比賽當日有關轉項的準備, 唔係標準,不過分享下

http://ginnywong9111978.mysinablog.com/index.php?op=ViewArticle&articleId=1156495

唔該ginny師姐

上水馬王

原帖由 orce 於 2009-5-8 00:08 發表

                               
登錄/註冊後可看大圖

如果你買左鐵人衫, 就記得買埋號碼布帶, 如果唔係就要扣住張號碼布落水

係既，唔該師兄

上水馬王

琴晚check過我果組有28人玩，其中3個西人，大部份人都有跟會操練......希望到時轉項時唔好出洋相

上水馬王

原帖由 franklcf 於 2009-5-8 18:16 發表

                               
登錄/註冊後可看大圖

係youtube睇多d world cup 就好易轉項ga la

唔該師兄~

上水馬王

今日買左自己第一套的鐵人衫，又買埋泳帽&號碼帶，埋單$460

而家未玩先開心~

上水馬王

原帖由 bmc 於 2009-5-8 23:20 發表

                               
登錄/註冊後可看大圖

馬王兄
咁平？PM地址給我，可以嗎？

無問題~

我初時都預八百蚊落樓.....點知有特價，太開心勒！

上水馬王

原帖由 loudspeaker 於 2009-5-9 11:19 發表

                               
登錄/註冊後可看大圖

helmet  買左末 ? 最重要呢件
聽日完左 , 有無興趣同埋我個 fd 一齊吃個早歺先走 ?
大家分亨下賽後感 , 為 9 月 ITU 作準備。

今日買左勒，晌鎮洋買，$250

聽日應該同唔你地食早餐，因為完左後要趕去大埔工聯會報course

上水馬王

原帖由 bmc 於 2009-5-9 12:18 發表

                               
登錄/註冊後可看大圖

ok.那裏等

bmc師兄係咪玩半奧？你咩number，到時見到你幫你影相

小弟no.431，聽日見！

[ 本帖最後由 上水馬王 於 2009-5-9 23:08 編輯 ]

上水馬王

原帖由 chung1562002 於 2009-5-9 12:45 發表

                               
登錄/註冊後可看大圖

泳帽和號碼布星期日比賽早上會有比你

原來有泳帽送？早知唔洗買啦

上水馬王

原帖由 Delta 於 2009-5-9 21:46 發表

                               
登錄/註冊後可看大圖

祝各位聽日有理想成績

Delta兄，大家加油！

上水馬王

多謝cf兄及key兄的分享！

小弟今日終於完成了自己第一個的三項鐵人比賽！
昨夜睡眠質素很差，只睡了兩、三小時，可能心情緊張的關係，整夜難眠...

大約七時五十分到達會場準備，而全奧比賽正在進行中，第一次親身去到現場觀看賽事，十分有趣~
原本無精打彩的我都因為比賽氣氛而拍醒了我！

接過單車及號碼布後就馬上做好賽前功夫：替單車、頭盔等掛上號碼牌，放好跑鞋及power gel的位置，掛好頭盔等等......確保每個細節做好才敢離開轉項區，向起點出發。

繽紛組雖然得一百人左右參加，但感覺十分熱鬧，後生仔女明顯比例很多，感覺自己跟他們一起比賽好像異類。 而大部份男仔身材真的很健碩，跟平時長跑比賽所見的對方身形上有明顯分別，頓時覺得自己好像去錯地方一樣。 其他人全部落水試水溫，我就繼續左岸上拉筋熱身，因為試完水後會有賽前講解，不想到時上水後靜止冷病。 自己實在太耐沒游水了，賽前痛了根本沒有機會練水，都知道比賽會吃力的，最後抱著have fun的心情，一群人浩浩蕩蕩游出浮波列陣準備，而我是有生以來第一次游出大海那麼遠！ 起步比之前想像中多麻煩，因為浮泡的位罷要移好、所有人排好才可以起步，但竟然要在水中心擾讓了成十分鐘，我淨踩水兩分鐘都覺開始累了！ 有理無理，我立刻拉實浮泡先，因為不知道還要等多久才可起步，而其他參賽者就捉緊大會的獨木舟以免浪費體力。

比賽終於展開了！ 雞聲一響，我立刻按錶計時！ 頭幾十米用自由式前進，放慢來游，不敢太急，而從後"界"我的人越本越多，明顯看到水上強弱的分別......當被過了一大半人後，就轉用蛙式繼續前進，一心只想保持自己的速度完成水項這部份。  自知水項是自己最弱的一項，所以全程都不敢太進取，但求第一次出海安全上岸就可以了。 出了岸發現原來起步時沒有按到錶，不知道用了多少時間......不過起碼知道自己不是最遲上水的一個。

鐵人賽最有趣而令我享受的地方就是轉項環節，但享受還享受，不可以沉醉得太耐！ 由上岸點跑至轉項區，雙腳開始有反應，是地心吸力的反應！ 腦海中都來不及顧慮疲倦的身軀，只想到轉項時當心的細節，"要緊要先帶頭盔"！ 由於知道自己落後其他人太遠，轉項時都不敢太"滋油"，最後用了38-39完成。  不過最成後差點犯規，因為我急不及待企圖上單車走人，而忘記了應該要在上落車點才可上單車，現在回看女友替我拍的轉項片段都十分惹笑~

一出車後，我忍不住在緩衝區過了兩個對手，不知道會否犯規？ 我只知道回程時一定不可以在該區超前，起步不及回程時速度快，應該不會罰時間吧？！
當時有沒犯規都未有在意，只一心去挑戰最斜的大斜坡！ 肌肉還未踩順，就要上大斜，真是對我這個十多年來沒有飛單車的人的一個極大考驗！ 眼前看到了兩個正在落車推上斜坡的選手，他們真的很辛苦的樣子......不過沒有動搖到自己戰勝它的決心，還逢車過車！ 見到一個外國女選手也拼命地上斜，我過了她時都不忘對佢"GO！GO！GO！"，她從扭曲的面容轉為笑容回應我"GO！GO！"互相鼓勵。 攻頂後就立刻落斜，我馬上轉gear準備飛奔落斜，爽透了！ 很久很久沒感受過這種速度，是一種遺忘了很久的快感！ 在馬路上除了被一個後生仔過了我後，一直都沒有人爬我頭(可想之知我有幾落後)，形勢轉變了，輪到我做"界"人的角色。 這條路段踩過十幾廿年，無數多次，都沒有這次去得那麼放，原因是今次是在封路的情況下進行，不怕有對頭有汽車，落斜都肯放膽去踩盡！ 雖然這樣，不過都沒有用盡我"拍檔"十成的威力，因為這單車是租回來的，第一次夾，沒有用到最快的一組gear，這方面我對用車有少許保留。

再返回到轉項區，看一看錶，由上岸點開始計起不用半小時，覺得這部份完成得不錯了。轉項時我小心亦亦地做妥，先泊好單車後才可脫下頭盔！

去到最後一項，亦是近年做得最多的......跑步！ 又是地心吸引的作動，感覺兩腿極重，可幸的是我前面的選手雙腿比我更重，使我逢人過人。  上到大壩見到一個號碼162的選手迎面而來，很熟口面，原來是ginny師姐，之前在她的blog見過她的相。 說聲"加油"之後大家都作最後衝次。 趕過再、三位同組的選手後就完成了第一次的鐵人賽事。

由上岸至終點用了37'31"，而游水的環節沒有idea用了多少時間，不過已經對自己今次的表現好滿意，下次一定再玩！

上水馬王

睇了成績，覺得好疑惑，點解有位選手用1:01完成，總成績會排晌我前面？
另外，有d唔係我果組，但成績又會計入我果組......本身係同組的，但又唔見晒d人名，好奇怪！
而我個時間就只有游水的分段及總時間，沒有單車及跑步的分段，激死！ 真係錯漏百出...
先頭打過電話去總會問，但線路繁忙接唔通，只留左言反映了問題

講番自己的成績，總時間48'24"，達到50分內的目標，非常開心！

上水馬王

原帖由 曲奇 於 2009-5-11 11:50 發表

                               
登錄/註冊後可看大圖

恭喜馬王順利完成第1個三項鐵人賽...
你的分享很精彩呀...
游水方面在下多點苦工，下次所做的成績一定更加好....

多謝曲奇 ctse，小弟游水太弱，一定要下d苦工了 =.="