2009.11.20~22 樂施毅行者

龜速使者

原帖由 oscar 於 2009-6-18 18:05 發表

                               
登錄/註冊後可看大圖

我想比少少意見！上年行完22個半鐘有以下經驗分享！
其實舊年我行毅行，由八月有人通知有得玩，實際只係練咗兩個月，但個兩個月內無行過山，只係靠跑步同埋行下樓梯(當然行樓梯可能會悶)。所以如果你想用操山 ...

其實麥徑指示足夠，唔怕迷路。而且起步之後，全段麥徑都人頭湧湧，所以唔怕搵唔到路。
不過要留意，如果唔係十一點前出發，去到麥二尾段上北潭坳、麥三中段上雞公山、麥四中段上馬鞍坳都會 塞車。要超車，記住要有耐性、行側邊小路、或者開口講聲「唔該」，大部份人都會讓路。過左呢幾段之後 (如果做20~25小時)，就無咁塞人架啦。
記住，行得要有隊型，如果唔係，行得快既，會係cp等到凍，行得慢既，會好氣餒。

練習方面，俾個參考大家。小弟上年行過，時間係24小時左右。上年由二月開始每星期行一次山，長短不一，但係大部份都係短線 4-5小時行完。另外每個星期跑3~4晚，每次都係 6~7k左右。(仲有踢下波咁) 未試過操長山、跑長課，所以係十月尾既時候，走左去行一次麥三至麥七 (麥1~2好耐無行過、麥8~10未行過)，因為最難就係麥三、麥四、同埋麥七上針山！上針山既樓梯，基本上不停咁行，都要行成30分鐘......果次行完五段路，用左11小時，感覺一下行長途既感覺。(因為之前最長都係行5個鐘)
行山師兄們話，如果呢五段能夠10小時或以內完成，咁應該20~24小時完成無難度。

龜速使者

仲有，如果平時小行山，真係要操多d山。當操到咁上下，記住，上山唔好谷盡，落山要爆盡！
上山谷盡最多快3-5分鐘，落山爆盡最多可以快15-20分鐘！但係落山爆盡，膝頭哥就........所以要行多d上落山，先好爆落上。例如由基維爾行落井欄樹 (反衞奕信徑行)條長樓梯，如果不停咁行到落底都唔腳震，我相信各師兄姐既力量都好足夠去應付jog落山。

龜速使者

原帖由 allanccl 於 2009-7-2 23:07 發表

                               
登錄/註冊後可看大圖

多謝龜速使者ching既心得分享，非常有用，謝謝!

剛剛醒起仲有一樣。我上年係夜晚係無跑過咁濟，所以對電筒要求唔高。
但係如果要做20~24小時既師兄們要留意，如果十二點鐘出發，入夜時份應該係麥三中段或尾段。如果係兩點出發，入黑應該係麥三段。
正正係麥三有兩大段碎石落山路，所以如果要跑的話 (記住，點快都好，"唔好受傷"係大前提)，要帶強力電筒。我行咁多次夜山，發玩頭燈係唔好用既 (個人喜好)。
我鐘意手渣電筒，放係hip位向前照，咁樣可以將成段路照到。如果只用頭燈，又要頭dupdup，又照唔得多，好難跑。
上年我用支 潛水用既電筒仔 (黃燈)，好處係照到好遠，範圍又大，但唔好處係2個鐘d電玩完。所以我另加頭燈做後備(當然要帶定電池做後備，因為無用support team，所以帶左好多電池)。
今年我買左支 鴨記電筒 ，CREE膽，白燈、夠光夠遠，可以玩到好多個鐘！不過記住，頭燈還是要帶，當後備；電還是要多帶一點點。

今年我 team #977 兩點出發

P.S 唔知大定知唔知邊個曾小強﹖ 佢今年以 north face team名義參加，係#956。有機會見到佢，真係要同佢影張相先得

龜速使者

原帖由 山海赤子 於 2009-7-4 12:06 發表

                               
登錄/註冊後可看大圖

操山時都試過用電筒, 都覺得好過頭燈
龜速 ching, 你個鴨記電筒買左幾多錢, 等我都去搵下

我 12:30出發, 應該都會見到曾小強.......係我身邊飄過

山兄，我買左舊幾水咋。好平。不過建議買 "ultrafixe"呢個牌子，佢有隻$200左右既幾好。

佢超車既時候叫停佢影返張相留念。

龜速使者

參考﹕
今日跟左班超毅人士操麥1~3，二仔底，死跟最頭一班人。
小弟以6小時10分完成。頭一二名以5小時30分左右完成.....

龜速使者

原帖由 sleung2002hk 於 2009-7-5 23:09 發表

                               
登錄/註冊後可看大圖

你就好啦~~我覺得搵腳操好難~~~佢地target幾多~~睇下有冇機會一齊操下

我唔知佢地今年target呀，不過唔慌慢(當然，我見師兄全馬既時間，你應該可以快過佢地).....佢地已經定好左練習日子。可以去佢地網睇下。
另外，佢地網入面有往年毅行分段時間作參考。
http://www.kinhang.org.hk/act.htm

[ 本帖最後由 龜速使者 於 2009-7-6 10:10 編輯 ]

龜速使者

原帖由 大圍新跑手 於 2009-7-6 09:48 發表

                               
登錄/註冊後可看大圖

多謝ching提點~
之前我都鴨記買左支電筒仔....$15支唔知夠唔夠用呢?

真係要自己實際用過先知

龜速使者

原帖由 花子阿DEE 於 2009-7-6 10:02 發表

                               
登錄/註冊後可看大圖

小弟果支鴨記頭燈用左4年幾,仍然精神健康~~
我prefer 用頭燈,頭燈cool 得耐係唔舒服,不過有時支燈cool 晌頭度係方便d, 頭燈可以用手攞,但手電唔可以掛晌頭~~
另外如果出發前檢查清楚支燈,上到山之後壞 ...

其實係個人喜好，不過我覺得頭燈淨係照到腳前面既地方，小弟覺得範圍唔夠大。
特別係夜晚既麥三、四，碎石泥路比較多，範圍唔夠大，無信心跑住去。

其實檢查清楚都係好事，不過意外意外，意料之外。如果真係靠隊友既頭燈，肯定跑唔到....反正多一支半支電筒又唔會重好多既，我就會帶定，放心d。

龜速使者

今日同朋友去操麥九、十。去到水塘 (CP9)個涼亭既時候，比我見到偶像操山呀！佢快到呢......我見佢上大斜路都用5分鐘左右既步速呀！唔知我幾時先可以咁利害呢....﹖

龜速使者

係呀stone呀。佢一個人咋。不過真係好快.....
上山佢都怒奔走  仲要見佢健步如飛，跑起上黎好輕型...