|
|
各位 ching,
如果要驚, 驚就兩份. 小弟都係第一個全馬.
我其實 2009年正式第一年參加比賽, 接受訓練. 記得自已膽粗粗報渣打半馬, 無訓練下一百八十幾磅去跑, 結果超時完成, 在終點倒下比人影左相, 未到中年換來如此光景, 換來千萬個不甘心....
一年來, 結果重重難關重重過, 由第一個慢跑 1 小時 14 分完成 10 k 到 12 月用 58 分鐘. 由 3 小時 12 分半馬到跑左兩個 2 小時 20 分內的半馬, 直到跑完 30 k 石崗, 每一次之前都對自已有疑問, 最後都能順利完成.
對我而言, 今次是新的挑戰, 我自已都有懷疑過自已, 加上左腳帶傷, 今個星期已敷了幾次藥, 所以去與唔去, 我都經常問自己.
但思前想後, 跑全馬是我的整個進步過程目標之一, 當然今次唔跑仲有好多次機會. 但係若果我做左逃兵, 咁今年所付出的一切, 面對困難, 遇長越強的氣勢, 就咁玩完. 我可以搵一百個原因缺席, 但要出席就只有一個原因就足夠.
所以無論如何我都會出發, 希望最終站在終點上, 那怕最後真是要用六小時或以上. 若果真要倒下, 我都要跑到能力最後一步. 若果唔係就對唔住自已, 與及身邊鼓勵過同幫助過我的朋友.
願與各位 ching 共勉之....  |
|
[複製鏈接]
發表於 2009-12-23 13:19:48
