6月28日城門水塘約跑活動

ram

由於有多位ching對是項活動有興趣,小弟希望盡量讓多一些ching參與
現請有興趣參加是項活動的ching投票,票數以少數服從多數,之後再會出有詳細內容post

兩項選擇的初稿如下:

日期:08年6月28日(星期六)
距離: 兩條路線全長一樣約10公里


1.城門晨操越野跑:
早上7時30分左右集合,路線圍繞城門水塘一周,全程有不少上落斜(更有條長命斜),上高落低好有挑戰性,(菠蘿壩小巴站=>主壩=>越野緩跑徑=>行車道=>引水道起點=>菠蘿壩小巴站),之後建議一起食早餐


2.城門黃昏模擬賽:
黃昏4時30分左右集合:路線沿城門水塘引水道5K處折回 (即7月13 日10公里黃昏賽之路線),全程大致平路,可讓ching作為預賽,先熟習一下環境,之後建議一起食晚飯

請各ching多多支持

[ 本帖最後由 ram 於 2008-6-6 14:39 編輯 ]

onon

有得揀首選黃昏...怕早起身!

spmho

其實我早跑晚都無所謂，不過黃昏跑應該多D師兄可以JOIN到

miller

希望黎到喇…好耐無跑呢段…

spmho

原帖由 瘋狂跑步機 於 2008-6-6 16:14 發表

                               
登錄/註冊後可看大圖

四點半跑, 五點半跑完就食飯(有D師兄五點已跑完 ), 會唔會早左小小.

城門水塘無瘋兄屋企一條龍咁方便啦，解決沖身問題都用你一部份時間啦
除非個個跑完都唔沖涼，就有瘋兄所講既問題

ChARsoN

我盡量安排啦.....

peteruno

我早又得晚又得，早上食早餐，晚黑去鋸扒。
儲物沖身要解決，和宜合道田徑場體育館或可以。
索多些料。白頭佬

神童威威

我29號生日呀！唔知28號有冇人約我慶祝？如果不幸沒有的話就來鬆一鬆啦！遲些再覆實大家。

vita375

小弟都有興趣喎。我最近收工後都上去跑過幾次，不過都5:30後，所以我驚你地跑完我都未上去。引水道環境唔錯，尤其是黃昏時間(指晴天)，一起步就可以見到個咸旦王掛响如心廣場隔離，好似追住個大陽跑咁，好舒暢嘅感覺，不過3,4k位有工程，條路都幾爛，加上仲有好多狗添，唔知係地盘養定係流浪狗，要小心。
另外強烈建議，唔好帶行李或背心袋，黃昏後有好多馬騮出現，分分鐘過百，如果有車可以泊响引水道起點，行李放車內，如果唔係就放和宜合道運動場或城門谷運動場，和宜合道運動場locker要自備5蚊硬幣同鎖頭，隔離體育館都有locker提供，而且唔使自備硬幣同鎖頭，仲企理過運動場，不過體育館有權唔外借非租場人士。和宜合道比城門谷上城門較近，大約2K，慢跑上去當熱身都幾好。

ram

謝謝vita375,好有用的資料
過百隻馬騮....重有好多狗 !!!!
當日真係要維持隊形,跟大隊,否則真係驚比d馬騮圍!!!

原帖由 vita375 於 2008-6-7 08:54 發表

                               
登錄/註冊後可看大圖

小弟都有興趣喎。我最近收工後都上去跑過幾次，不過都5:30後，所以我驚你地跑完我都未上去。引水道環境唔錯，尤其是黃昏時間(指晴天)，一起步就可以見到個咸旦王掛响如心廣場隔離，好似追住個大陽跑咁，好舒暢 ...

Alfred

有齊隊形後係唔係圍番佢哋？

ram

都係三十六著走為上著~

原帖由 Alfred 於 2008-6-7 20:03 發表

                               
登錄/註冊後可看大圖

有齊隊形後係唔係圍番佢哋？