尋日跑屯門<青公>荃灣西之後感.....

camij6152

尋日天氣都幾寒, 好在有陽光, 於是出發, 想做一個40+既長課(對上一次係今年年頭呢......)!  於是友愛起步, 經泳池 ,萬能閣, 再三聖直出青公.....沿路陽光猛烈 , 不過經過陰頂位時都略有寒意! 初時大腿有d痛..... 一路殺上青公, 時間和我控制既差不多到達深井時已經一個小時多dd! 好在事前選擇著背心跑 , 全程都出晒汗, 汗水揮發得超快, 開始出鹽! 而大腿既痛亦慢慢消失.......
經過深井後進入汀九段, 感覺依然良好 , 還有陣陣檸檬夾心餅香氣陪我捱上斜路 ! 再沿青公下跑, 不經不覺已到達荃灣西海傍! 去到西鐵站七仔立即補水(bonaqua)及買古古力 充飢! 時間為1小時44分! 由於天氣非常好, 冇預期辛苦, 於是立即回航! 沿途見多人跑步, 不過以短途為多..........
很快地又回到汀九段, 跑速維持,  去到嘉頓落橋位, 在風景及涼風既配合下突感興奮及感動! 再次回到深井, 為應付之後冇補給既路段要再次入七仔補水!  之後奮力捱下去, 不經不覺已到豪景花園準備迎接漫長既大欖海邊路段!
經過海關訓練學校, 雙腳似乎已經麻木地進行運動,  要間中鬆一鬆! 由於之後既路段勁多長命斜, 心中作出心理準備應戰 , 而小弟就曾經0係呢幾段斜路遭遇滑鐵盧! (去程時唔覺有問題, 回程時由於油盡燈枯.....) 可能係經常練習屯門<>深井路線, 今次竟覺得輕鬆 (雖然已經跑了接近30多km....)! 當完成小欖呢幾段上斜後進入黃金海岸路段, 心想已知可完成呢!  一路輕鬆跑沿去程時既路線直去到蔡意橋為終點 , 當停下時錶上紀錄為3小時58分! 雖然未知路線是否足42km, 但內心有一陣喜悅, 因上一次之渣打全馬未能完成, 今次心想算是報了一箭之仇!

p.s 行回家時發現路人對小弟眼望望, 雖然我著左長跑網件背心跑 ......返到家先知原來成身白雪雪包括塊面......全部都係鹽!

tango

好勁呀，我過去一年除全馬外，最長練習距離都係跟長跑網由荃灣碼頭去鄧肇堅運動場，都係約22km咋，ching好犀利，希望有機會下次預埋我，我都係屯門友

MatthewTse

Ching 屯門<>荃灣西實在太厲害啦!

亞平

原帖由 camij6152 於 2010-12-29 02:37 發表

                               
登錄/註冊後可看大圖

尋日天氣都幾寒, 好在有陽光, 於是出發, 想做一個40+既長課(對上一次係今年年頭呢......)!  於是友愛起步, 經泳池 ,萬能閣, 再三聖直出青公.....沿路陽光猛烈 , 不過經過陰頂位時都略有寒意! 初時 ...

師兄好強..小弟跑了無數次青公...都未曾試過跑咁長.....

camij6152

多謝各位! 我相信好大程度係天公造美, 天氣凍對長跑係好事, 不過到時2月跑渣打就係另一回事........又濕又熱, 肯定趺watt....依家叫做入定d貨出年用!

laputa99

恭喜ching完成, 青公真係景色優美

麥麥

>行回家時發現路人對小弟眼望望..

樓主點解唔問下佢:超咩呀?師兄?
公起樓主完成創舉,搵日我都想試下完成佢..

purejoey

原帖由 camij6152 於 2010-12-29 02:37 發表

                               
登錄/註冊後可看大圖

尋日天氣都幾寒, 好在有陽光, 於是出發, 想做一個40+既長課(對上一次係今年年頭呢......)!  於是友愛起步, 經泳池 ,萬能閣, 再三聖直出青公.....沿路陽光猛烈 , 不過經過陰頂位時都略有寒意! 初時 ...

我挑戰2012渣全馬前都打算好似Ching 咁跑一次。

dudulung

小弟只試過麗城來回嶺大...

ssskkk

哇，好勁呀，40+ ~~~

Aery

CHING好勁呀...

我今日先第一次由置樂花園跑到麗城花園來回~~32K...

camij6152

原帖由 Aery 於 2011-1-10 02:01 發表

                               
登錄/註冊後可看大圖

CHING好勁呀...

我今日先第一次由置樂花園跑到麗城花園來回~~32K...

你唔去埋西鐵站既? 都係差少少就去到呢

Aery

原帖由 camij6152 於 11/1/2011 14:54 發表

                               
登錄/註冊後可看大圖

你唔去埋西鐵站既? 都係差少少就去到呢

唔得呀~~每星期加2K已經夠曬皮...

mikemike

恭喜Ching!!

小弟以前都無試過train over 30K, 最近都跑左兩次青公由葵涌出發來回，分別係35K同37.5K，中途都有好幾次想放棄，完成個種滿足咁真係好大。

日本專家

我都有過跑青山公路....靚景/唔悶

第一次由只能元朗跑到青龍頭....冇氣冇水...搭小巴返元朗
第ニ次...元朗跑到荃灣西....臭汗上西鐵返元朗
第三次....醒目了...先搭西鐵到荃灣西.....跑返元朗屋企(上樓即沖涼...正 )

之後第四次..第五次...哈哈

camij6152

原帖由 日本專家 於 2011-1-20 23:42 發表

                               
登錄/註冊後可看大圖

我都有過跑青山公路....靚景/唔悶

第一次由只能元朗跑到青龍頭....冇氣冇水...搭小巴返元朗
第ニ次...元朗跑到荃灣西....臭汗上西鐵返元朗
第三次....醒目了...先搭西鐵到荃灣西..... ...

師兄,下次你要試埋用腳一來一回既感覺呢!

日本專家

原帖由 camij6152 於 2011-1-26 01:49 發表

                               
登錄/註冊後可看大圖

師兄,下次你要試埋用腳一來一回既感覺呢!

有冇ching try 過先.........咁遠

asmcando

GARDEN同豪景附近, 遍地地雷, 好似跑障礙賽, 小心中招。

ransac

我跑開都係荃灣西站沿青山公路>深井>青龍頭>小覽>大覽>黃金海岸來回
用GOOGLEMAP度距離一程大約15K.
請問師兄你呢段路大約有幾長??