開心公司?

草兄弟

今晚睇新聞透視, 話題係開心公司, 一路睇, 一路諗, 對於節目所講既員工開心, 公司就會好, 我有唔同既睇法。

首先, 我都同意人工, 花紅, 福利等, 絕對同員工做得好唔好, 同鍾唔鍾意間公司有關, 但又唔絕對O岩。同樣人工既員工, 都有用心D做, 同唔用心D做既員工, 亦有分做得好D同做得唔好D, 而即使做同一種工作, 一位人工低D既員工都有可能做得好過一位人工高D既員工
, 佢地唔同既地方係, 兩種人本身既能力唔同, 同佢地對工作既睇法唔同。但有D肯定既係, 人一般係望高處, 而太克刻既公司一定無人想留係果到做。

其次, 開心本身就可以有唔同既定義, 一個人係公司哈哈哈唔代表佢就係開心, 一班人一齊係公司哈哈哈亦唔代表佢地都開心。有D員工會
因為人工高, 福利好而開心, 有D員工會因為工作量少, 自由而開心, 有D員工會因為成就同職級而開心, 有D員工就會因為對某D工作既滿足感而開心, 有D員工會因為同同事關係好而開心。總之, 開心本來就唔係容易去定義, 而當要建立開心公司時, 要考慮既就唔係員工表面既哈哈哈, 而係實際上員工會因為什麼而得到激勵。

第三, 大家所瞭解既辦工室政治, 係表面上或者會跟開心公司有D相似, 尤其係一班人圍埋做一樣野, 有人會睇成係開心公司, 有人會睇成係辦工室政治, 如果要從表面去睇, 當中既分野可能係呢一伙人有無抹殺左當中部份人既不同既
意見, 同佢地有無合作去唔滿意呢伙人以外既人, 因為開心公司唔應該存在呢樣會令員工做得唔開心既野。

第四, 係開心公司下, 有機會會得出表面唔太開心既人被定為做得差, 而表面好開心就被定為做得好既結果, 跟以往以performance去衡量一位員工既工作表
現可能得出唔同既結果。我覺得如果真要實行開心公司, 應該要留意表面上開心既員工會唔會反而唔鍾意做緊野既員
工, 以防公司由開心公司變成懶散公司, 本末倒至。公司文化一旦建立, 就要由好上既管理層去改變。

純個人意見, 大家可以有唔同睇法。