|
|
我敢講我地既ABC隊係今年最出色既毅行隊伍之一~~
好開心可以由o岩o岩半程開始參與AB 隊既毅行,仲由城門開始跟B隊到尾,感受一下今次毅行~~
四位B隊隊員表現非常出色,沿途相互扶持鼓勵,包容互勉,更難得係可以每一秒都維持住歡樂既氣氛,途中雖然遇到好多好多困難同阻滯,憑大家上下一心,一一克服,甘苦與共,一齊笑,一齊痛,每個人都感受同其他隊員既快樂同痛楚~~
Sue 大隊長既意志力相信所有人都感受到,我都經歷過毅行途中既傷患痛楚,晌獅子亭第一眼見到大隊長既情況,心知不妙,所謂傷在隊長腳,痛在隊友心,大家好好想分擔一下大隊長既痛,最終大隊長都可以頂到最後,仲做得到一個咁好既時間,Sue 哥真係最出色既隊長!!!
亮哥全程氣定神閒,永遠掛住親切既微笑,俾到大家無限既信心. P兄沉著冷靜,幫助大家處理大大小小既困難同問題. 平兄就負責搞好氣氛,不時仲要做下Sue 哥既人肉沙包,俾Sue 哥出出氣,發洩一下,以減輕肉體上既痛楚,四位簡直係最佳拍檔~~
至於我地既支援隊,居功至偉當然係我地支援小隊B既小隊長Parco 爸,成個過程中大家喊左過萬句" arco 爸!",所以大小事小隊長都安排得井井有條,處理危機臨危不亂,EQ非常高,十幾廿人一齊煩住佢都可以一一滿足,俾我已經精神病發~~
而同我加埋組成"四小書僮"既阿B,威威同喪Ken,從晌上海街接我一刻已經開始合作無間,而且未十卜,先興奮,晌獅子亭未等到隊員落黎已經嘻嘻哈哈,玩過不亦樂乎,亦都係一個好好既組合~~
當然仲有好多好多十卜隊友同義工,每一位都儘心儘力,令大家有一個成就卓越,歡天喜地既毅行旅程~~
有時間再晌blog 同大家分享一下整個難忘既過程,好多謝尋日所有參與既長跑網兄弟姊妹,明年再玩過!!!
[ 本帖最後由 花子阿DEE 於 2009-11-22 18:13 編輯 ] |
|
[複製鏈接]
發表於 2009-11-22 09:24:29
)
.........)
發表於 2009-11-22 12:18:21
...小弟服咗你了
)
利害，各位都能超標完成！
"...跟住又縮返埋一舊話好鬼凍
發表於 2009-11-22 21:02:17
