|
恭喜哂各位得獎師兄師姐!
多謝哂各位義工協助!
辛苦哂皇上及各網友出力宣傳及參與是次賽事!
關於是次比賽安排, 希望大家幫忙盡量發表意見, 您地既意見對大會安排係非常重要, 由於小弟今次係第一次搞長跑比賽, 所以都有好多地方做得不足, 請多多包涵, 出年一定會搞得更好(如果仲未被人炒魷的話)
回應下各位既意見先:
1. 賽道距離係由田總量度的, 所以距離係冇問題, 如冇意外, 賽道出年都會相同, 並會正式申請成為田總認可賽事
2. 里數牌確係放得唔顯眼, 出年一定有所改善, 多多包涵
3. 地上噴漆的里數係不可信的, 因為之前已經有好多其他比賽係呢條路度搞
4. 地點終點位置安排要考慮的地方係在太多, 包括報到處空間, 行李存放區空間, 頒獎典禮位置, 亦都要配合警方, 康文署場地申請, 路政署封路申請等等因素, 現在位置已經經過反覆審慎考慮,所以大致上好難改變, 不過出年可以考慮安排車輛於火車站接載跑手, 但係可能要自負車資……
大家唔使俾面, 請盡情發表!!!
P.S. 我地係非牟利地區體育會, 宗旨係推廣地區體育, 我地搞比賽係絕對唔會, 亦都冇可能賺到錢的, 純粹係希望多d人參與同埋大家玩得開心過癮
[ 本帖最後由 李奧 於 2009-12-21 18:04 編輯 ] |
|