成個毅行, 上得最辛苦莫過於針山, 原本打算不參加, 但見美孚跑友好多人都去, 我又膽粗粗去玩, 別人說這是顛佬賽,也都沒錯, 所以當初打算4,5登就走佬, 規則好簡單,上落山當一次,
一開始在山上, 見到毅行隊友經過, 我們互相打打氣,就完成頭4登,
上上落落極為沉悶, 今天好多人行山,聽最多:加油,又係你呀,同你第幾轉.
到5,6登,開始無力提腿, 加上出太陽, 意識模糊,原來不停上樓梯所積聚的累, 是這樣可怕的, 開始想放棄, 跟自己說頂多2登便走好了, 結果到第8登,人都崩潰了, 眼見好多人都放棄, 我正打算放棄,突然覺得不值, 一上場, 放棄就輸成世, 這個年紀,至少留一件值得紀念的事給自己吧, 記得一年前講過, 死, 也要死在跑道上 ~ 而且,經常被人說跑得好盡,到底我為興趣,可以去到幾盡 ?
我又振作起來了, 即使慢也要上到頂, 跟自已說得,就一定得... 加上好多工作人員鼓勵說話, 我無理腳痛, 曬到頭暈, 用手抬對腳上梯級, 不停灌水給自己不要中暑,結果真的完成了, 真難以置信, 上近20000級樓梯, 最辛苦時真以為會死,完成的人不多, 我排名10, 今後, 可以做威水仔.同人講針山 ?我一日行過十次.
今次真多謝大會送印有完成10登字樣衫,又杯,又多野食,飲,又免費參加, 真係又食又拎
ps,今日見到施SIR, 但佢耐力驚人, 第9,10登仲可以上得好快, 勁~
|