|
08年9月30日 (二) 夜踩青龍頭LSD15K
晚上湊過債主回家打點好一切已是十點幾,心裡十五十六都唔知踩埋果15k好....但既然是日收到友好一份心意又超級合心水的禮物 :腰包水壺(款式同美記的差不多,水壺斜放,最好是還有一小格可以放得落手機,小八和紙巾,正!),今晚一於踩埋15k,9月份就達標100k啦!
由於葵涌跑往荃碼的一段人多路口多,決定乖車由家往荃碼,再起步至青龍頭碼頭就來回就剛好15k了;上網看過於荃灣巴士總站歸家的尾班巴士是 00:10, 小弟預計跑完15k應該可以趕得上尾班車歸家的
是晚氣溫沒有早兩晚跑20k時的涼快,但仍然有點清風,跑得尚算舒服,但由荃碼至灣景一段的海濱長廊真係幾多人,沿路都要左閃右避,另外就是勁多人放狗,d狗多到好似開狗展更樣,4,5隻狗一起你追我逐跳來跑去(附近大部份都係私人屋苑,應該唔比養狗架....?重有地雷tim,好彩小弟見到 ),有時真有d怕比狗追,都被迫要慢d行過去
跑過了灣景就轉上了青公,這時見車多過見人,跑起來順得多了,跑到帝景補了一次水,e個水壺腰袋真的不錯,跑起來不會fing來fing去夠晒貼身,very nice丫,由於已認得路的轉灣起伏,跑起來感覺比上次輕鬆,直到深井7仔開始有點累,又補多次水,又再一口氣跑到青龍頭碼頭,時間是 45'24",當時時間大概是11點十分左右 ,立即u-turn回程去趕巴士
又經過7仔,忍不住又入去整罐水特兼休息 ,花了幾分鍾時間後又起程趕路,回程最吃力應是過了嘉頓後至停車場一段長暗斜路,好容易才捱返灣景,這時已是12:58!但是小弟己經冇幾多力氣可加快速度,過晒麗城後已是00:03,尚有7分鐘,但這時的海濱長廊突然變得特別漫長,跑極都未接近荃碼 ....再看錶已是00:07了!還有3分鐘!!!再用僅餘力氣衝埋去,終於見到荃碼,發覺左面有個路口可能跑到入巴士總站,不理3721轉入去博一博啦,真係可以見到架巴士,不過是在遠處的100米左右,一早揮定手衝埋去 ,見重有20米左右......佢竟然開車!!! 唔係卦!!??到站再睇錶=>00:11,遲左1分鐘......真係吹漲! 無奈之餘 ,唯有慢jog廿分鐘返屋企了~
去程: 45'24"
回程: 47'08"
終於9月份達標100k了,而且是跑街k數最多的月份
10月份目標120k ,趁天氣轉涼多點跑街吧~
[ 本帖最後由 ram 於 2008-10-3 13:52 編輯 ] |
|