Kopo1128又游又踩又跑又食又減肥

kopo1128

原帖由 loudspeaker 於 2010-4-13 10:08 發表

                               
登錄/註冊後可看大圖

你一次地都未落過, 去科學好 d 喎, 新娘潭 7:30am 好多 波子, 法拉里响樹,
幾危險下。如果係 18.4 7-9, 10 点前回家

ok! 無問題!! 馬王兄, 阿傑佢地黎唔黎埋呀? jason兄呢? 仲有冇其他ching?

kito807

如果係4 / 18
7點科學園等, 我睇下踩到幾點走人, 之後要去行山

loudspeaker

原帖由 kopo1128 於 2010-4-13 12:13 發表

                               
登錄/註冊後可看大圖

ok! 無問題!! 馬王兄, 阿傑佢地黎唔黎埋呀? jason兄呢? 仲有冇其他ching?

馬王去左尼泊爾高原特訓 , 應該無咁早返, 其它 chings, 等我問下佢地睇睇?

kopo1128

13/4/2010

今日中午放飯又去左跑步. 今次改左路線向奕翠園方向跑, 然後轉入去跑梧桐河, 至覲龍圍, 再出龍躍頭村公所, 再番公司. 呢條路好好跑, 又有樹蔭, 不過短左d, 只有唔夠5km. 有d唔夠喉, 之後再跑多轉安樂村, 跑夠6+km. (34:06), 下次可以選擇向軍營方向跑, 應該會長番d. 計過有6km. 最適合夏天跑.

4月份暫共跑了30km.

kopo1128

原帖由 kenneth 於 2010-4-13 15:01 發表

                               
登錄/註冊後可看大圖

咁閣下跑完，有冇沖番個涼先上班架？？

我公司係工廠黎, 所以係有地方可以沖涼的. 否則, 我一定比同事禁制唔比我跑, 因為之後會釋放沙林毒氣.................

kopo1128

14/4/2010

今日午餐係跑去奕翠園轉入梧桐河之後, 再轉去到軍營折返安樂村. 全程7.5km, 共用38:59. 今日天氣十分好, 清風送爽. 而且條路真係好好跑. 下次可以加多段去到坪輋個迴旋處先折返, 咁就有8.5km, 唔夠先再加段安樂村大直路來回, 咁就啱啱好10km. 成程就冇咁到喉唔到肺嘞!

4月份暫共跑了37.5km.

kito807

kopo 兄今晚黎唔黎?

星期日 7:00am 科學園係咪堅架?

kopo1128

原帖由 kito807 於 2010-4-14 13:50 發表

                               
登錄/註冊後可看大圖

kopo 兄今晚黎唔黎?

星期日 7:00am 科學園係咪堅架?

我而家晚上要儘量留在家中. 所以好難可以去到北區運動場同大家一齊練.

星期日係堅架!! 我要同我架車開苞呀!! 到時千祈千祈唔好落雨呀!!!

kopo1128

15/4/2010

今日午餐ENCORE跑去奕翠園轉入梧桐河後, 再轉去到軍營折返安樂村. 全程7.5km, 共用37:19. 比昨日快少少. 今日天氣十分涼快, 極適合跑步. 明天希望可以繼續!!!

4月份暫共跑了45KM.

kopo1128

16/4/2010

今日的午餐是重複昨日的路線再加一小段去到流水響個迴旋處左近調頭.  全程9.3km. 共跑了47:13. 不過沙頭角公路近軍營個一小段的磚頭路十分不好跑, 有兩次差少少拗柴. 回程個段就ok!!

4月份暫共跑了54km.

mill

你好嗎 ? kopo ching
自渣馬後都無見過你了, 來打個招呼先.
原來你地成日踩單車ge ? .

kopo1128

原帖由 mill 於 2010-4-16 14:16 發表

                               
登錄/註冊後可看大圖

你好嗎 ? kopo ching
自渣馬後都無見過你了, 來打個招呼先.
原來你地成日踩單車ge ? .

Hello, Mill CTse, 你好!! 自渣馬後都真係冇乜認真咁跑步或者做運動, 最近先開始在午飯時跑番步同放工或星期六去游水. 我好耐冇踩車啦!! 我自從換左架新單車, 都未踩過街, 剩係响屋企踩trainer咋!!

我劃果條唔係單車路線, 係跑步路線黎架!!!

mill

原帖由 kopo1128 於 2010-4-16 15:43 發表

                               
登錄/註冊後可看大圖

Hello, Mill CTse, 你好!! 自渣馬後都真係冇乜認真咁跑步或者做運動, 最近先開始在午飯時跑番步同放工或星期六去游水. 我好耐冇踩車啦!! 我自從換左架新單車, 都未踩過街, 剩係响屋企踩trainer咋!!

我 ...

我見你約傑仔佢地踩單車, 以為你地間中有踩tim.
咁你要努力加油喇..祝你減肥成功.

kopo1128

原帖由 mill 於 2010-4-16 15:50 發表

                               
登錄/註冊後可看大圖

我見你約傑仔佢地踩單車, 以為你地間中有踩tim.
咁你要努力加油喇..祝你減肥成功.

係呀!! 我約阿傑今個星期日踩車, 因為黎9/5會有個三鐵比賽, 但我架車買左成幾個月都未落過地, 所以想同佢"開苞"law!!

loudspeaker

原帖由 kopo1128 於 2010-4-16 15:54 發表

                               
登錄/註冊後可看大圖

係呀!! 我約阿傑今個星期日踩車, 因為黎9/5會有個三鐵比賽, 但我架車買左成幾個月都未落過地, 所以想同佢"開苞"law!!

台東 123km， 你去嗎？ 我plan 左會去，希望多幾個熟人一起去，但是如果你又玩 TW,
好可能你大人 5 放過你。
上年有 183 人 sub 7, 看 video 好好氣氛，值得去玩下。

kopo1128

我都係諗住123KM. 我同老婆一早報左案. 我諗應該無問題. 不過其他比賽或GATHERING 會儘少參與!! TW 應該唔玩嘞!! 上次燒野食, 飲多兩杯"嬲"同事一齊用公司名玩TW都比佢詐晒型. 話時話, TW真係要好多時間練. BTW, 你會唔會玩埋之後個ITU?

[ 本帖最後由 kopo1128 於 2010-4-17 22:29 編輯 ]

kopo1128

17/4/2010

今日陪阿仔上泳班. 自己又游下水. 但今日冇暖水, 好彩氣溫都有21C. 不過落水果下都幾甘. 要游5分鐘左右先開始適應. 但之後就游得好鬼舒服. 見有時間, 就游3.5KM. 本來想游夠IRONMAN的3.8KM的距離, 但阿仔差不多落堂, 所以下次先再試. 今次又比上次快一D. 可能是天氣涼的關係吧. 分段時間如下:

距離        時間           分段時間
0.5KM    11:10          11:10
1.0KM    22:39          11:29
1.5KM     34:20          11:41
2.0KM     46:14          11:53
2.5KM      58:17          12:02
3.0KM     1:10:24        12:07
3.5KM      1:22:43        12:18

速度每500M慢十幾秒, 不過已習慣超過3KM的距離了!!

loudspeaker

原帖由 kopo1128 於 2010-4-17 22:24 發表

                               
登錄/註冊後可看大圖

我都係諗住123KM. 我同老婆一早報左案. 我諗應該無問題. 不過其他比賽或GATHERING 會儘少參與!! TW 應該唔玩嘞!! 上次燒野食, 飲多兩杯"嬲"同事一齊用公司名玩TW都比佢詐晒型. 話時話, TW真係要好多時間練. BT ...

ITU 玩埋佢 , 應該可以應付到既, 如果真係去台東, 要操下 d 長程車先得, 游水 keep 住得啦,
單車先係最重要, patpat 同大腿要承受 4-5 hrs 不停運動幾難受下。
現在我又爭扎緊, 加個 TT bar 响架舊車定係一次過 upgrade 買架新車, 問題係買左架新
又放响邊 ?最惨 唔可以帶佢返屋企,

loudspeaker

原帖由 kopo1128 於 2010-4-17 22:44 發表

                               
登錄/註冊後可看大圖

17/4/2010

今日陪阿仔上泳班. 自己又游下水. 但今日冇暖水, 好彩氣溫都有21C. 不過落水果下都幾甘. 要游5分鐘左右先開始適應. 但之後就游得好鬼舒服. 見有時間, 就游3.5KM. 本來想游夠IRONMAN的3.8KM的距離, 但阿 ...

向 IRONMAN 進發,