升級
26.85%
TA的每日心情 | 擦汗 2016-1-18 17:27 |
---|
簽到天數: 1 天 [LV.1]初來乍到
|
讀萬卷書不如跑四個窿 (不過今日係試跑會, 剩係跑到去迴旋處士多)
逍遙跑: 烏拉, 聰聰, 昌, Louis, Joe, Cat, 祖祖, 文輝, Chris, 駛乜理, 根根(大會指定攝影師)
今日天氣呵呵呵應該有三十度, 各自係運動場熱身後, 首先由聰聰同烏拉出發, 跟手大家都一齊出發, 首先講明係70%斜路係錯既, 3K/14K (應該係80%至真), 至於所謂既平路就係由運動場至醫院來回一段, 所以你問我, 跑去士多有幾多斜路要跑架, 係100%又上又落, 從未試過跑士多, 開始既時候, 完全唔知幾時上幾時落, 仲有幾耐到, 唯一知道就係入清水灣二灘迴旋處, 一開始都同自己講, 千祈唔好死跟爛跟, 慢JOG上任何斜路應該係芧問題, 落斜就由得自己跑落山, 完完全全放鬆回氣, 丫....又得喎, 可以跟得住Cat師姐去到士多 (去程7K用佐48MIN), 不過今次好景不常, 係士多休息時間耐佐, 真係熄匙停車, 休息佐起碼有10-15分鐘, 先開始再起步, 一開始又感覺長路漫漫 (慘喇, 一有呢種感覺應該死得), 回程經過第一個補給站, "復興士多", 一口氣成枝水特吹晒, 呢度又無佐幾分鐘, 跟住同根根起步, 回程不斷提醒自己, 千祈唔好急, 但最後去到八九K, 己經爆晒, 半行半跑返去, 最後返到運動場 (回程7K用佐52MIN), 今日全程跑連休用佐1:41:00, 返到去.....我就好似熔佐咁不斷係咁滴水, 攪到地下成灘水係度........筋被力盡...爽...爆.......事後發覺, 千祈唔好俾自己休息時間太耐, 唔好飲咁多水 (呢樣成日都唔記住, 剩係掛住一口喝就係咁飲) |
|