前日覆咗診,報告係無裂骨,可能扯傷咗軟組織,醫生比咗五日消炎止痛藥我食,佢話要等到消咗腫同埋唔痛先可以跑,即係話要再休息多幾日啦。不過好在醫生話小心d都可以去行山。終於琴日同Tarry, nc, Van 去咗行衛奕信徑,由油塘、魔鬼山(好似無上到山)、五桂山(304米)、馬游塘至井欄樹,大約8k總時間2:38連休約20分鐘。雖然天氣麻麻但起步之後,都只係小休既時間落咗一陣雨,無比雨淋,路雖然幾爛但係都平安行完,無再整親腳,好感恩呀。多謝nc帶路。
今個星期調整週,阿sir 比咗plan A 同plan B我地揀,A餐行、B餐跑,我梗係食A餐啦,不過A餐都唔易食呀。要將跑步既技術用係行度,我行第七線11個圈,總時間37:42,都合格喇,攞到中級成績,第一次咋,可以同D快腳同學差唔多時間完成,好野。不過行完好攰,仲辛苦過跑。不過D感覺都唔錯,都用到少少跑步既技術,同埋從行中都感覺到少少跑既技術。腳仔亦都OK,好感恩呀。