|
|
K隊-訓練3報告:
出席： Desmond 、猿球 、馬拉
日期：11/７/2010 (星期六)
出發時間: 7:30am
行程及完成時間：
1. 麥1段 北潭涌 - 浪茄 01:24 (11.1K)
2. 麥2段 浪茄 - 北潭凹 03:01 (13.5K)
3. 特訓 西貢海盛餐廳 全程 04:25 (24.6k + 休息)
報告:
今天約7:30am起步,承接昨日天氣,好曬好熱但又冇風,都唔知點解次次都冇風,連起海邊都冇風.起步後沿著昨日T隊十幾個師兄師姐跑過的足跡,頭段慢慢沿住水塘邊馬路慢跑, 因為沒人放火(頭頂個日頭已經系度勁放緊 ),三個隊員只有Desmond跑過1-2段,所以由佢帶路,跑得好舒服, 到東壩涼亭用時約70分鐘, 補水影相後繼續拾級預上向浪茄進發, 到浪茄1-2段交界路段剛好1小時24分。
一落到浪茄之沙灘, 兩個未行過此地的猿球、馬拉、被呢個稱為世外挑源浪茄之海灘深深吸引住, 好想即刻跳落去游水(好在有小弟, 禁住兩位大哥, 以西灣有bikini 看為由, 成功說服他們步進.gif) ), 但為左行程(大家心照啦), 最後只在沙灘影相, 然後繼續起程。
當到達西灣山既時候, 因為我地幾個都唔識輕功(ching 嫌jie), 只有慢慢一步一步行上山, (真係錯過見識昨日部份識輕功的隊員玩飄移上山的特枝),到了半山的涼亭時, 再往下望, 哇！真係人間仙景, 成個北潭湧, 萬宜水庫盡映眼前, 補鹽水影相又再繼續上路。
到達西灣的士多時, Desmond狂隊綠力加礦泉水, 猿球就隊綠力加山水豆腐花, 馬拉就隊左一碗山水豆腐花, 正！
繼續起程, 路經西灣海灘, 又被一幕幕情景停留住, 陽光海海灘,三點式, 鬼妹，深溝, 深深地吸引了其中兩位年輕隊員(無計啦, 人家要看, 怎可以壞人好事呢! 有云: 君子成人之美嗎. 反正耽誤不了多少時間), 為了不誤行程, 只有各自影相後才依依不舍離開！
離開沙灘繼續上路,最後K隊成功抵達北潭凹,因休息及留在海灘唔愿走的時間太長, 第二段用了3小時01分,所以全程用了4小時24分, 唔知隊長滿唔滿意！
感想: 點解Desmond次次有艷遇
1.話說今早在西貢碼頭ABC餐廳早餐時, Desmon 叫餐廳伙記“亞妹, 幫我叫份Ｘ餐”(哈哈, 我是由衷地),
就係一句亞妹, Desmon個份早餐比猿球、馬拉多出三份一, 加大左面包, 蛋, 價錢又同我地一樣, 搞到Desmon開頭都飽到跑唔郁。
2. 中午行完返到海盛特訓午餐, Desmon又同餐廳靚老板娘有解傾, 除左個份午餐要特別炮製, 因我地就來食完佢才整好,餐廳冷氣很大,搞到Desmon坐到發冷, 靚老板娘想幫佢掉位,叫佢以後著多件衫, 最後唔知佢地講乜,….. 因我已先走出餐餐門口。個靚老板娘好傾得, 小弟領教了. 那位ching 有種的, 十分建議你出招. |
|
發表於 2010-7-11 13:16:00
發表於 2010-7-11 13:41:09
.gif)
.gif)
typed it tmr 
, 同佢地齊齊起沙灘度學任賢齊用國語唱: 對面的鬼妹看過來, 看過來, 看過來, TKO的哥哥真利害.........gif)
.gif)
