|
嘩! 話回話回又加段, 睇嚟大家都已上力, 等埋我呀! (因book唔到靚時間, 我將改於嚟緊星期二入廠大驗心臟及腦部)
琴晚去柏立基健康院睇門診, 目的係要經政府醫生轉介, 才可於私立醫半價做心臟CT Scan. 點知個醫生問完我病情及睇完眼科醫生幫我寫果封信, 立刻好緊張咁罵我點解眼中風當天唔立刻睇急症, 佢話血管裏既小血塊隨時會再塞住視網膜血管或其他地方, 並立刻寫紙要我入急症室, 我話已經過咗四日, 但該醫生仍然要我立刻睇急症. 於是我唯有乖乖地立刻去聯合睇急症. 當我到達聯合時, 真的嚇咗一跳, 全個急症室幾乎滿座, 心諗實有排等, 但點知登記完去分流處時, 護士立刻為我戴上入院手帶, 並急召工作人員推住輪嚟接我直入急症室病房, 一分鐘都唔使等, 估唔到原來我喱種情況屬於緊急case. 經醫生診斷後, 需要留醫檢查情況. 入院後做咗好多檢查, 包括眼部檢查, 心電圖, 照肺, 抽血, 腦部CT Scan, 並需服用亞士匹靈 (抗血小板凝聚藥), 當姑娘為我量血壓時, 儀器上顯示我的心跳是每分鐘40(平時自己check最慢都要每分鐘48), 嚇咗佢一跳, 但經驗豐富的醫生立即問我是不是運動員, 我話唔係, 不過係操開馬拉松同毅行, 醫生話咁劇烈運動都頂得順, 心臟應該冇乜問題, 我話我個個隊友都係咁fit, 醫生嘆道佢都好想玩但冇時間練. 後來所有報告都是正常, 醫生決定比我出院, 佢開咗兩個月亞士匹靈比我服, 但佢話我可以自行決定食與唔食, 最後我問醫生我仲可唔可以玩毅行, 佢話叫佢點答至好, 佢話雖然風險唔高, 但應該冇醫生夠胆贊成我繼續玩毅行, 尤其是要跑的! 聯合的醫護人員非常好, 好少醫生肯同病人講咁耐, 佢最後應我要求幫我寫咗建議做心臟CT Scan 及腦部MRI和MRA (磁力共震)的轉介信, 我已BOOK了星期二到港安醫院做, 如果結果都是正常靜儀話者,可能,有機會批准我繼續操山! |
|