|
已經係1月5日, 今日先黎 2010年第一課練習, 實在太遲了......... 過時過節總是應酬多, 而且要抽時間陪女友大人, 實在無辨法可以抽空練習。
本來尋日已想開始練跑, 但放左兩日假玩左兩日又好累, 結果都係早瞓收場, 又無練。
到今日決定點都要操返一課, 日頭拿拿林係公司做完野早D 返屋企食飯, 點知食完飯又凍又落住毛毛雨......... 本來又想放棄, 不過最後都係落街跑吧!!
落到樓下實在好凍, 雨又好似越落越大, 跑到一半就跑返轉頭諗住返屋企算喇, 點知又停雨, 然後便沿林村河再跑一段, JOG 下 JOG 下又幾舒服幾順WO,
跑跑下又跑返轉頭出海濱公園, 跑到差不多時間就回程返屋企沖個熱水涼, 爽!!
全程約 11K
本月共跑了 11K |
|