|
原帖由 jc8866 於 2009-5-21 11:42 發表
同大家分享吓先, 睇我個signature應該明白我跑步既目的,
主要係為左健康, 所以我成日叫身邊既朋友一齊跑步,
同佢地講, 跑得快定慢都唔重要 (緊係啦, 自己都咁鬼慢 ),
最重要係跑步可以鍛鍊健康既身體.
...
知道!
jc我估唔到你:
其實我開始認真去跑步, 只係舊年8月既事, 重記得果陣時每次最多跑3-4K,
成30-40min, 已經跑到上氣唔接下氣, 返到屋企要抖成半個鐘頭先至平伏得到.
"哩個就係我當初跑步既原動力, 因為我要有健康既身體, 先至可以照顧好我身邊既家人."
雖然我無你咁一家四口, 但我都想身體好d, 照唔照顧到爸媽另一件事, 最緊要唔好令佢地擔心. 之前我屋企人身體相繼出左問題, 就開始做多好多運動, 我屋企人都偏向悲觀, 做運動, 亦都係想個人開心d, 可以感染埋我屋企人. 依家我媽媽都有成日運動, 爸爸腰骨有問題, 但見媽媽咁乖, 佢都無之前咁睇唔開.
希望我都可以跑到好似jc你咁, 謝謝分享! |
|