TKO毅行 T隊, K 隊 (及O隊 --> support team) 操山 go Go GO!!!

大雄2009

多謝oscar, timmy, wty, 花子, 非比, bat bat, 馬拉, rockie及kf的關心及鼓勵, 經過這次事件, 我會更加珍惜你們這班好朋友及長跑網其他兄弟姊妹的友誼, 亦會更加珍惜仲可以跑的日子.

大雄2009

原帖由 rockiec 於 2010-8-28 13:05 發表

                               
登錄/註冊後可看大圖

我就番咗嚟喇, 天氣好好, 少少晒,
因大部分路程都有樹蔭, 算幾舒服! " />" />" />" />

用咗2:59去到基維爾河邊,
3:41去到獅子亭, (都唔駛4:30 !!)
全程齋行, 頭果程上石級仲抖 ...

嘩! 睇返以前d時間, 各隊員真係進步咗好多好多, 可能只行不跑都可以24小時內完成!

大雄2009

原帖由 烏拉 於 2010-8-28 15:29 發表

                               
登錄/註冊後可看大圖

我想講d另類意見. 就算不被接納. 甚至比人小我都要講!!

我想問. 係咪唔玩唔得架者.
我明白. 你個心係好想去. 亦都好多人會支持你去.
不過唔好因為有好多人等緊你而去囉. 更加唔好因為有班人heheherher咁就去 ...

   嘩! 烏拉, 你真係好緊張我, 只有好朋友或呀媽先會講以上說話, 真的十分感謝你. 但我諗你攪錯咗喇, 冇人等緊我去, 亦冇人起度heheherher, 去唔去係我自己既決定, 冇人能夠影响我, 你咁講我d隊友仔會唔開心架.

   如果我唔係起呢幾年博命咁操馬拉松及打羽毛球, d血管可能已經塞晒, 亦可能已經死咗好耐. 操練不足, 狀態不足而勉強參加比賽才是危險的行為, 我就係因為驚有危險發生才安排有計劃的, 循序漸進的毅行操練. 如果你有留心看我昨晚寫的post, 應該知道我是不會為造時間而重返毅行訓練. 請放心, 我會用好hae, 好舒服, 好可能係行既速度去參加毅行, 造唔到24小時咪30小時囉, 心臟既負荷應該不大. 唔好講到好似我要去送死咁啦, 亦都唔好講到我好不負責任, 好唔愛鍚我既家人咁, 好嗎!

   請你唔好因為我參加返毅行而唔嚟support, 你唔support我就真係會發生危險喇, 因為會餓死我! 最後要再衷心感謝你的關心, 我答應你我絕不會好似以前咁博命去到盡!

大雄2009

大家d相影得越嚟越有動感, 連d影相佬都fit咗!

大雄2009

多謝善長 Agnes, Baking Warehouse.com, May Lam, 阿聰, Catalina YL Chan, Tin Chung, Chiko, Omid Amani及Paul的支持, 祝各位善長身體健康, 生活愉快!

大雄2009

睇嚟k隊已返咗嚟, 因已見馬拉及猿猿上網.

大雄2009

對不起, 我錯了, 完全地錯了!

我太自私了, 隊友們怎可以一邊行一邊擔心地去參加毅行呢! 這樣是對他們不公平, 這樣是享受不到毅行之樂趣的!

太太雖然陪我見了醫生之後支持我重返毅行的決定, 雖然對我的狀態和能力有信心, 但始終都是擔心的!

時常勸因傷或因事而考慮退出比賽的跑友不要勉強參賽, 長跑長有, 未來有很多很多的比賽. 原來說來容易, 但到自己是當事人時才發覺要放下來是需要很大的勇氣!

我的確錯了, 錯了便要認, 認了便要改, 要改便要立刻行動, 小弟現在正式宣佈退出毅行, 明天將會與主辦單位聯絡, 安排轉換隊長事宜.

Support team 隊長一職, 我非常願意擔任, 希望能將功補過, 懇請各位隊友批准!

大雄2009

呢兩個星期真係忙到想嘔, 今晚已係第三晚通頂, D野真係做極都做唔完, 頂唔順喇, 瞓醒先算喇!

大雄2009

多謝大家支持小弟的決定, 我會努力做好SUPPORT呢份工.

O隊SUPPORT崗位智能報名表: (要捱得眼瞓及擔得抬得, 可重複報名負責多個崗位, 歡迎已報名或未報名之十卜參加)

1. 司機及支援位置安排 --- 大雄, 大佬 (服務承諾: 24小時飛車隨傳隨到, 緊會起馬路邊等你!)
2. 膳食支援總安排 ---
3. 攝影師 (2人) ---
4. 衣服及物資總安排 ---
5. 膳食, 飲品及衣物支援服務員(企嶺下, 約18:15 - 19:15) (2人) ---
6. 膳食, 飲品及衣物支援服務員(沙田坳, 約 22:30 - 23:30) (2人) ---
7. 膳食, 飲品及衣物支援服務員(城門水塘, 約 01:45 - 03:00) (2人) ---
8. 膳食, 飲品及衣物支援服務員(大帽山荃錦坳, 約 06:45 - 09:00) (2人) ---
9. 陪行員 (由頭陪到尾, 陪得幾多得幾多) ---
10. 陪行員 (5,6段, 沙田坳至城門) ---
11. 陪行員 (7,8段, 城門至大帽山荃錦坳) --- 大雄 (本人最熟悉每位隊員起針山爆慣的位置, 可沿路提醒加以防範)
12. 陪行員 (9,10段, 大帽山荃錦坳至大棠終點) ---
13. 終點扮FRIEND屎 (需人數大量) --- 大雄 (與眾FRIEND屎逆走麥徑 迎接/拉/推/揹/抬 大隊歸來)
14. 24小時ON CALL鬆骨仔 --- 烏拉 (大雄: 死仔包, 以後要插我唔該用PM, 唔好當住大庭廣眾, 罰做骨仔24小時. 但你真係好鬼錫我, 謝謝!)

[ 本帖最後由 大雄2009 於 2010-8-30 16:40 編輯 ]

大雄2009

原帖由 烏拉 於 2010-8-30 16:39 發表

                               
登錄/註冊後可看大圖

鬆骨仔. 點解. 幾時.
不過.
大雄哥. 見邊度攰無呀?

心口附近個氣門頂住頂住, 唔該幫我鬆吓佢.

大雄2009

原帖由 烏拉 於 2010-8-30 16:49 發表

                               
登錄/註冊後可看大圖

心口個氣門啊. OK!! 等我對岩位先.

噢! 好舒服, 本來要你於毅行當天做骨仔, 於十卜位替TKO隊員鬆骨, 現在見你服務態度咁好, 就升你做SUPPORT TEAM隊長個SUPPORT啦!

則係只係幫我鬆骨!

大雄2009

已聯絡樂施會安排轉隊長手續, 大會職員聽取有關我的病情後, 初步認為解釋合理, 可轉換隊長, 但最終都需要我提交所有醫生證明, 經過大會負責人審批後才有結果.

大雄2009

原帖由 wongc 於 2010-8-30 18:37 發表

                               
登錄/註冊後可看大圖

好曖昧..............

呢排燥燥地, 亂講野小心我捉埋妳陪烏拉做鬆骨妹!

大雄2009

原帖由 烏拉 於 2010-8-31 08:55 發表

                               
登錄/註冊後可看大圖

O隊SUPPORT崗位智能報名表: (要捱得眼瞓及擔得抬得, 可重複報名負責多個崗位, 歡迎已報名或未報名之十卜參加)

1. 司機及支援位置安排 --- 大雄, 大佬 (服務承諾: 24小時飛車隨傳隨到, 緊會起馬路邊等你!)
...

果然係好肯承擔既十卜, 唔使理d崗位有乜野做架, 盡報啦!

大雄2009

原帖由 rockiec 於 2010-8-31 18:23 發表

                               
登錄/註冊後可看大圖

O隊SUPPORT崗位智能報名表: (要捱得眼瞓及擔得抬得, 可重複報名負責多個崗位, 歡迎已報名或未報名之十卜參加)

1. 司機及支援位置安排 --- 大雄, 大佬 (服務承諾: 24小時飛車隨傳隨到, 緊會起馬路邊等你!)
9. 陪行員 (由頭陪到尾, 陪得幾多得幾多) --- rockiec (可以行3-10段)
...

Rockie勁呀!

大雄2009

多謝善長迪迪仔師兄的支持, 祝你身體健康, 生活愉快, 長跑長有!

大雄2009

原帖由 allanccl 於 2010-8-30 19:31 發表

                               
登錄/註冊後可看大圖

謹向大雄兄致敬!
閣下英明、果敢既決定，一定會帶來以後身體健康、長跑長有的!

亮哥, 我地SUPPORT TEAM會早D到每個支援點, 咁就可以一睹蝸牛極速略過的風采!

大雄2009

原帖由 kf 於 2010-8-31 23:35 發表

                               
登錄/註冊後可看大圖

大雄想睇下我地行到嘔泡反白眼o既風采

比賽日麥徑見啦

睇好你地! 18小時內!

大雄2009

原帖由 狗哥 於 2010-8-31 23:44 發表

                               
登錄/註冊後可看大圖

先恭喜同佩服大雄哥廣思集益當機立斷，搵到一個兩全其美既解決辦法
我都係TKO既friend屎~ 麥徑見，終點見!
T.K.O.隊全體加油~

狗哥都要加油呀!

大雄2009

原帖由 哈利330 於 2010-9-1 00:08 發表

                               
登錄/註冊後可看大圖

蝸牛部隊早我地個半鐘起步，仲要快我地咁多，大雄你有排等喎。

係喎, 唯有帶埋GAS爐去煮吓野食, 消磨吓時間.