|
啱啱番到屋企, 先至知攰到死咁滯!
完成時間比原訂遲好多, 今次縮減為3、4段都要用 7:27,
時間超咗好多, 原因係小弟坳柴, 重係兩次,
都諗住落梅子林(約1K)走人, 但抖抖下, 又好似鬆番啲,
好在 bolo 兄有支神奇魔仗, 有咗佢就可以繼續上路,
而且越行越鬆, 去到獅子亭都可以唔駛用支魔仗,
真係唔該晒 bolo 兄, 都係要置番一支傍下身!
不過就累到大家ge pacing 慢咗好多, 又要9 兄押尾睇住小弟,
唔該晒9兄!
睇離上完訓練班再操山唔係好明智 ge 決定, 體力消耗幾大,
一不留神, 落石級就中招...
今次都要唔該非比、kf 同埋 9 兄, 義務埋水,
仲要响兩個點都有得補給, 十分感激, 呢個十卜真係無得頂!
今次都見識到非比同 kf 的輕功啦, 個零鐘已經完成第三段,
仲要等咗我地45分鐘!! 真係唔同級數!!
我諗下次我地要派出昌兄應戰至得, 唔好咁失威!! |
|