|
|
2/8/09
今日玩左人生第一個三項鐵人, 雖然是半程, 但係都比想像中辛苦. 亦好彩是半程, 否則完成唔到都有知. LOUD兄約左一早4:45在我樓下開始出發. 用左25min由粉嶺踩出創新路. 好彩有LOUD兄全程細心照顧, 否則真係"LAIR"闣"HEA". 攞左號碼布後, 去自己個位SETUP, 之後就去碼頭邊聽講解, 之後落水準備比賽. 基本上, 除左踩車之外, 好似無乜熱身. 但跳落水之後, 先發覺個GOOGLE有D入水, 攪左一陣, 勉強可以接受. 好彩D水唔係想像中咁有異味. 最後, 不斷踩水等起步. 一起步之後, 即時感受到LOUD兄所講的情景, 一路游, 一路好多手不斷摸你, 透氣時旁邊有人不斷向你" UT"水, 完全唔可以呼吸. 最後仲飲左兩啖水. 先半程, 由於沒有熱身, 游起上黎幾辛苦, 半程後開始順番. 最後以15:58完成750M. 不過在上岸時隻腳比野界親, 之後賽事都痛, 但仍頂得住. 上水跑去轉項區, 因之前在家都有試過, 所以不是太頻"能". 不過, 後來醒起再要推車跑小許路才可上車, 著左鞋又要除番, 浪費了些時間. 最後用左4:06完成第一個轉項. 上車後, 發覺隻腳好重, 可能是未適應, 踩了半個圈左右. 開始習慣, 並儘量保持TRAINER的速度. 第一個迴旋處, 由於太緊張, 無出到, 要工作人員提醒再轉一圈才出, 又浪費了些時間, 最後開始順了, 並見到LOUD兄也在不遠的距離. 在後半段, 醒起LOUD兄提到的勾車技巧, 於是跟人車尾,試試, 果然慳不少力. 最後終於到轉項區, 由於唔想著對單車鞋跑, 於是在那裡即除, 但隻腳濕晒, 有D難度及狠背. 仲有小小老抽添. 由於唔記得按錶, 最後連轉項共用了39:21完成. 平均時速33.1KM/HR. 到跑步時, 雙腳好重, 好似完全跑唔郁咁, 可能是單車的速度感仍在, 所以覺得跑步的速度好慢. 但應該做到5MIN/KM. 好不辛苦才捱到終點. 此項只用了22:31完成, 我好肯定這段路不夠5KM. 我諗分分鐘只得4KM多D而已. 最後總共用了1:21:56完成人生第一個三項鐵人(半程). 比預期的1:30快, 總算合格!!  最後都要多謝LOUD兄的教授才有這成績. 練TRAINER的幫助也不少.
短期目標是10月的ITU, 不過真係唔知全程掂唔掂, 不過都盡力而為啦!!! |
|
發表於 2009-7-29 03:53:38
樓主
" />" /> 
,