|
衷心感謝活活, 烏拉, 狗哥, 小學生, 公牛, 哈利, running-sue, 馬拉, kf, paul, 祖祖, kin, Parco爸, desmond, rockiec, 壞人隊長, 非比, JC, iceberg, 馬神及明師兄 的慰問及意見. 長跑網真是一個令人感到快樂及溫暖的地方!
請大家放心, 我宜家身體機能一切正常(表面上, 實際上可能嚴重內傷), 夜行積聚之乳酸今日已經散晒, 肌肉已冇酸痛, 最緊要係心情靚返晒! 我之前好down只係因為比靜儀同家中長老俄到我謝晒, 又話叫我唔好做呢樣, 又話唔准做果樣, 又話要我立刻入院, 又話我因為操山操到中風. 但亦明白他們都是因為關心我先至咁煩.
其實我兩個月前已做咗一個幾詳細既body check, 結果只是胆固醇輕微高了少少, 其他一切正常. 但都唔知點解隻眼會突然缺氧十幾分鐘, 我已決定於本週內做心臟冠狀動脈CT SCAN, 跑步心電圖, 腦部MRI及腦血管MRA. (其實我都唔知果D MXX係乜, 但專業人士話做呢D就啱架喇.) 如果做完証實冇問題才繼續操山. 若果大吉利是真的有問題, 我就一定會乖乖地唔玩毅行喇. 我已問過毅行主辦機構, 若隊長有醫生証明不適宜出賽, 是可以換隊長的, 所以請各位隊員繼續努力操山, 唔准偷懶!
請大家等我既好消息!
[ 本帖最後由 大雄2009 於 2010-8-17 21:18 編輯 ] |
|