又成個禮拜無跑唔想郁,多得周日有大型長課跑青公,否則就會脫課~
下午四點屋企起步到荃西與眾跑友會合。起步自己懶醒跟前頭步隊,點知佢地玩放題,4分尾披醒,小弟知衰減速至5:15-5:20左右,仍比過往跑開的快,直頭係比賽披醒,到轉車站大休後,回程要還了,做唔到十科披不特止,荃西同眾人分手後自己跑返屋企已經爆晒,最後葵盛圍平路都要六分披,完成時間只係快標準時間1分,有D失望~
不過同跑友們一同團跑係開心事,特別起勁~
今次AKB靚女係HKT48 Team H 秋吉優花~
悉尼馬後新潟馬前想跑課30K,一起步已感覺身心疲累,一定係悉尼馬後仲未恢復到,去程面向猛烈的斜陽跑體力已消耗不少,到轉車站要抖好耐先回程,半馬後感覺雙腳肌肉不太靈活,上斜更加快攰,到荃西跑姿已走樣,為免整傷跳船=(
之後要抖一周先掂了~
去程荃西遇上星戰步兵(☆_☆)
今次AKB靚女係HKT48 Team H 矢吹奈子~
是日皇者之戰全馬,開頭起步無疲勞感,無咩問題,跑左幾K犯左個老錯誤導致血尿+尿頻,頭廿幾K忍住跑,終於頂唔住再去廁所...
之後想身體降溫,慢披醒繼續。
三十五K起,索性行到終點前先跑番,4'31"衝線,締造今年PW~
事後再去廁所,D尿已清番無大礙~
今次AKB靚女係AKB48 Team B 田名部生來~
街馬當晚開始感冒,到今日稍好,最後長課20K備戰下周CCM全馬。
咳未清只能輕鬆跑,無太陽寒寒地流晒鼻水,回程遇上家豪領軍的Nike running club ,自己不斷被人界,pacing就無跌,完成目標。CCM全馬但求完賽~
今朝全日本女子驛傳由京都隊勝出,AKB靚女就搵京都出身、AKB48 Team A 橫山由依~