無傷無痛，馬不停蹄~

purejoey · 發表於 2017-1-22 17:23:21

本帖最後由 purejoey 於 2017-1-22 21:56 編輯

操得少，今朝CCM全馬旨在fun run，但下意識都想sub430～
著住厚長tight又中伏，起步都14度，烈日當空，hea上hea，大長今全部行，東壩「野餐」無幾分鐘，去兩次廁所。
沿途太多車，避到無晒mood，結果sub430不能，不過完賽都開心，有得同人講跑過魔鬼馬～
起跑前巧遇郭炳江、陳山蔥胡諾言～
衝線前大會講我名恭喜，好窩心～
今次AKB靚女係HKT48 Team H 神志那結衣～

登錄/註冊後可看大圖

purejoey · 發表於 2017-1-29 20:18:31

距渣馬兩星期，上周已有超級長課CCM，今次開年開新鞋，高強度跑唔計時，結果跑到麗城就爆停，24K度，短短地當tampering~
跑完摸摸個大肚腩嘆息，渣馬無信心拾科，先寄望pb la，最緊要唔好病～
今次AKB靚女係AKB48 Team 8 小栗有以～

登錄/註冊後可看大圖

purejoey · 發表於 2017-2-3 23:13:11

渣馬前最後LSD提早在周五晚進行。唔hea唔chur的完成18K，感覺良好狀態冒升。希望狀態去到頂點戰渣馬～
今次AKB靚女係AKB Team 8 倉野尾成美~

登錄/註冊後可看大圖

purejoey · 發表於 2017-2-12 14:37:53

今次渣全馬，無病無痛，賽前加碳、早睡早起做得好好，訓夠兩點醒四點幾已到起點。可惜，又有野甩漏，差D又唔見剛買的新耳機，跑步表寄左行李，要用手機的唔準runkeeper，心情忐忑不安～
起步後跑幾跑已發覺runkeeper度錯晒，pacing有D亂，落斜自己可能過快致中後段力弱，結果4'10"完成，PB渣馬但拾唔到科，令自己知道實力唔夠無得賴病～
不過時間同開始低潮時跑的全平路日本新潟馬時間相若，証明自己唔再係低潮，往後的賽事再努力～
今次AKB靚女係欅坂46隊長菅井友香～

登錄/註冊後可看大圖

purejoey · 發表於 2017-2-18 20:19:39

今次係黎緊三連馬前的長課。本想朝早跑但陽光太猛，轉黃昏跑。
黃昏陽光不太難頂，回程更爽，比去程快，感覺渣馬後完全recover晒，下周的吳市全馬該無問題～
今次AKB靚女係NMB48 Team M 川上千尋～

登錄/註冊後可看大圖

purejoey · 發表於 2017-2-28 11:29:36

今朝焦點係東馬、少數關注姬路城，小弟就跑無咩人識的廣島縣吳市飛島海道馬拉松，要係廣島插旗～
今朝起身發現喉嚨痛，鬥志頓失，驚跑完變感冒影響之後兩馬～
到現場起跑，人虛左感覺好似好凍，初段邊跑邊留意喉嚨痛變化，直到夠安多酚就唔理。
今次有沿途影相，周圍睇風景，但天色唔清，睇耐左已覺得好悶。跑到廿K已經有倦意，廿幾K後出事了，第一次跑全馬途中想開大，果陣覺得試左隻新gel出事。
結果搵到間五星級坐廁，坐左十幾分鐘唔願走～
之後驚左無再食gel，食半隻蕉，跑到三十幾K好似無晒電咁，打算行番終點。因為全程唔係海邊就係橋，凍到震，好凄涼～
行到最後一K，十分鐘後會過5個鐘，即刻慢jog 番，但ITBS發出警號，變左跑下行下。
最後僅僅sub到5，個人第三差紀錄～
心情反而不太差，覺得可以為Sub5努力而成功，也不壞。腳無痛無傷，下隻鹿島馬前應該recover到～
到寫文時喉嚨無再痛，希望唔係安多酚，覺得中途要開大可能係感冒菌入腸，依家要食清D繼續觀察～
今次AKB靚女係AKB Team8、山形縣代表早坂つむぎ～

登錄/註冊後可看大圖

purejoey · 發表於 2017-3-6 22:16:47

鹿兒島馬拉松-三連馬次關順利完賽～
時間普通，都算係近幾個月日馬中最好時間，跑完好感謝大會令我有番小小信心，第一次跑完馬面向終點鞠躬～
日本天文台預報下午先落雨，點知等起步已開始落，直到跑完都未停～
落住雨，旁邊的櫻島火山失左蹤～
賽前睇過賽道高低圖，眼見最多爬升50米應該好易，原來係不斷上落上落，D斜好多都係我最怕的鑊型，迫到我領悟到扭動上身可抵消高低斜的吃力，又多一招防身～
起步好早已見到拾科pacer，諗住死跟到尾，可惜跟到22K度開始跟唔到，到30K 2'49"知拾科無望，開始放鬆留力應付三連馬第三關，跑完後竟然無上次吳市馬咁攰，希望尾關古河馬順利完成～
好感激大會義工們，在惡劣天氣下仍元氣為跑手打氣～
鹿兒島市機程只需兩個半鐘，起終點近天文館，往鹿島機票又平，我一定會番兜～
最可惜係搵唔到「柏木由紀」，可能已out～
今次AKB靚女係櫸坂46長浜ねる～

登錄/註冊後可看大圖

purejoey · 發表於 2017-3-13 12:48:40

茨城縣古河市桃花馬完走，感覺係跑過25馬中最好跑，路又直又闊，少上落斜，唔駛上橋，天氣適中，有完成牌，日本陸連公認～
跑到30K 2'47"，勉強保持拾科機會，但之後急劇跌watt，對腳板好似石頭咁，36K後無心戀戰行到尾～
三連馬中自己做左測試，著adidas Boston 的鹿兒島馬成績最好，其餘兩馬著adios 尾段都要行...
自己能力差左，暫時handle唔到adios，要封印～
糟蹋左turbo跑道，不日報仇～
跑完無傷無痛，三連馬結束，月尾戰日本四國德島馬～
今次AKB靚女係AKB48 Team 8 茨城縣代表岡部麟～

登錄/註冊後可看大圖

purejoey · 發表於 2017-3-19 16:17:01

三月份三個周末都有日本馬，UNICEF半馬補賽啱啱幸運地跑到，要三點起身六時起跑，天氣都好暖，著背心都跑到紅都面晒，結果慢上屆4分鐘，但已經好鼓舞，跑左場下周日本德島馬前好好的長課～
今次AKB靚女係AKB48 Team 8 兵庫縣代表山田菜々美～

登錄/註冊後可看大圖

purejoey · 發表於 2017-3-27 11:22:57

德島馬順利完成，成績麻麻，因為要趕長途車，尾段攰都迫住邊跑邊行完成～
住Airbnb間房，全部都係跑德島馬的香港人，吹左幾水～
訓得好好，起身發覺輕微肚瀉，賽前三次途中一次，搞到唔敢食野，也許係尾段攰的原因～
號碼布要前後掛，因為有寫所在地區，一見到自己友就互相鼓勵，好好玩～
賽前的腳患問題不大，尾段錯步姿整痛波蘿蓋，都係轉為跑行的原因減低惡化～
全程天陰陰，尾段洒雨粉，其實幾好跑～
個牌不再係動漫主角，感覺似皇者之戰個牌，頗失望～
德島馬後要暫別日本馬...........一個月～
今次AKB靚女係突然宣報畢業、AKB48 Team B大島涼花～

登錄/註冊後可看大圖

purejoey · 發表於 2017-4-13 23:20:36

巴黎馬完賽，時間麻麻，但好享受。一早諗住fun run，加上長時間曝露在廿幾度的烈陽，地又硬又反射高溫，自己著左兩件衫又唔捨得丟入面果件，唯有慢pacing保持較低心率，同埋見到鐵塔等名勝無理由唔停低影，可惜完賽時間估唔到咁慢，但對自己作為fun run的表現非常滿意。
呢隻會係其中一隻非常難忘的馬～
呢隻烈陽馬令我諗起已報的北海道馬，有DQ的風險，要留神～
今次AKB靚女係櫸板46長濱ねる～

登錄/註冊後可看大圖

purejoey · 發表於 2017-4-14 17:08:13

久違了的青公長課。天氣悶熱好在無咩太陽，放慢pacing享受～
六七八月各有一隻熱馬要儘早適應下～
今次AKB靚女係HKT48 Team H 神志那結衣～

登錄/註冊後可看大圖

purejoey · 發表於 2017-4-24 10:47:24

群馬縣前橋澀川馬拉松順利完成～
感覺前橋市時刻都好大風，有寒意，與南面埼玉、東京截然不同～
賽道由0K上緩斜到6K，爬升約百米落番黎，10K起再上斜到30K共爬升230米後落番黎，因為拉長左，只要保留實力往後的緩落斜就較舒服～
條賽道帶來驚喜，沿途風景變化大，有櫻木群、遼闊山谷、馬房、急流等。我fun run mode 見到咁靚好難唔停低影～
跑好多手同義工都好鍾意戴上群馬縣吉祥物果隻小馬，加強群馬縣特色～
自已尾段終於經歷一次撞牆，突然非常肚餓後就黎料，勉強跑導致頭暈暈，就算落斜跑極得八分披，衝線後行路都腳浮浮。相信係合照會果日無認真加碳～
賽道的美麗風景令人難忘～
今次AKB靚女係乃木坂46生田繪梨花～

登錄/註冊後可看大圖

purejoey · 發表於 2017-4-30 16:13:47

尋晚先決定參加長跑網年度團跑「青公430」。適逢假日多人參加場面熱鬧。
早上起步又曬又熱唯有龜速保持較低心率。
好耐無跑到屯門，跑得慢關係感覺毫不吃力，到終點兆麟運動場趕快沖涼～
距離下隻馬仲有三周可以操多幾課～
今次AKB靚女係上周日本及尋晚香港見過面、AKB48 Team 8 茨城縣代表岡部麟～

登錄/註冊後可看大圖

purejoey · 發表於 2017-5-2 10:59:46

本帖最後由 purejoey 於 2017-5-7 00:18 編輯

兩周後先有全馬，我覺得本周末跑次30K係必須的～
上次青公30K已經係一月的事了，加上依家自己好怕熱，真係有D怯～
經歷放龜密集馬洗禮，面皮大有進步，今次30K繼續放龜，完成就得～
放龜應該舒服D，休息位一次就夠了～
體重上同上次跑青公30K比較有10磅的進步，更似龜～
反正放龜，執執跑姿，用多D左腳去減輕曾拉傷的右腳梨狀肌的負擔，尤其落斜，日後期望令自己兩腳用力均等令跑姿更連貫～
尾段好辛苦，跌到七分披，仲要上斜，但厚面皮告訴我行下回下氣再跑係無妨，最後PW完成～
全程只休息約五至十分鐘，跑完右梨狀肌無異樣，感覺大成功la~
做人無要求真快樂～
今次AKB靚女係欅坂46斎藤冬優花～

登錄/註冊後可看大圖

purejoey · 發表於 2017-5-14 23:03:19

5月13日擬跑「窮人澳洲馬」前最後LSD。訓左成朝，日間持續微雨，到黃昏六點幾先開始跑。跑左三K幾先撻著，之後都好順，尾段仲快左D。整體平均都合格，有番D戰意～
今次AKB靚女係NGT48中井りか~

登錄/註冊後可看大圖

purejoey · 發表於 2017-5-22 14:48:49

今朝係岩手縣奧州市全馬順利完賽，但意外地全馬PW，意外的是奧州市氣溫最高達30度，尾段行足12K，賽道大部份都係大片農地無野遮蔭，晴空萬里無雲，行都很吃力，停低都係曬，命都無～
賽前廿度，起步已廿五度，一路升到三十度...
頭段已經留力，跌出拾科披，但都無用，跑到廿K竟然有念頭想唔跑，跌到六分半，從未試過感覺跑極都未到一半，好辛苦。捱到30K已跌到七分半，去完水站已提不起勁齋行放棄mode，好在無其它問題例如肚瀉，否則DQ埋都似～
其實熱我不太怕，加埋烈陽就玩完，呢隻馬係我最辛苦的，關島馬辛苦極都係尾段出烈陽果下，Sundown馬跑完都未天光～
呢次慘敗令我係係之後果三隻熱馬-布吉島、函館及北海道札幌要提高警覺，尤其札幌有五個鐘時限～
今次岩手縣留下陰影，九月有機會去岩手最大城市盛岡希望有番好印象～
今次AKB靚女係將會移藉泰國子團BNK48的伊豆田莉奈～

登錄/註冊後可看大圖

purejoey · 發表於 2017-5-26 22:43:15

為免曬傷的皮膚長時間再接觸陽光，以及適應下周布吉島馬黑夜起步，放工天黑齊跑20K。
上周全馬PW影響意志，又隔左五日先跑，但跑來都頗暢順，結果時間同上周同程相若，狀態無跌～
跑完曬傷皮膚起晒bubble，㩒爆有水出，過癮～
跑到荃濱見到有人拍戲，男的好似係袁偉豪～
今次AKB靚女係AKB48 Team8 奈良縣代表大西桃香～

登錄/註冊後可看大圖

purejoey · 發表於 2017-6-5 10:44:04

本帖最後由 purejoey 於 2017-6-5 10:46 編輯

布吉天文台話天陰結果烈陽～
全馬凌晨四點半起跑，趁黑夜用拾科披盡燒里數，結果完成一半後烈陽出現，即減到6'10"堅持到30K，之後每到水站都要抖抖用海棉降溫。
整條賽道好多暗斜及上斜，再加烈陽，加上要經常避車，各組肌肉都想抽想抽。可能pasta party滿載而歸，30K仲有餘力，維持到六分半左右。
尾段又要避開半馬賽人群，最後還可以sub430完成，非常滿意～
今次AKB靚女係前排總選速報爆大冷，拎第一位的NGT48 Team NIII 荻野由佳～

登錄/註冊後可看大圖

purejoey · 發表於 2017-6-10 21:40:17

今日任意廿K轉下口味，屋企附近南下跑到南昌折返約廿K。
跑果頭幾K用太多力上荔景山路，到美孚已爆爆地。深旺道無以前咁好跑，多左工程圍板，到南昌地盤遇上地盤工友放工，重重圍困非常唔好跑～
都係青公最好跑～
上周係布吉割傷傷口好得八八九九，留低明顯的戰績～
今次AKB靚女係AKB48 Team8 小栗有以～

登錄/註冊後可看大圖

		自動登錄	找回密碼
密碼			註冊

無傷無痛，馬不停蹄~

點評

點評

點評

點評

點評

點評

點評

點評

點評

點評

點評

點評

點評

點評

點評

點評

點評

點評

點評

點評