炒車經驗分享

靜水

琴日清早晨操，開始咗唔到五分鐘，係落斜時(車速約42KM), 車輪look過1舊10cm x20cm 高4cm的水泥塊，跟住發覺對手已無法hold住個手把，瞬間身體左側已在地上滑行、並清晰聽到頭盔碰擊地面"卜"的一声，時間好似停頓左1, 2秒，聽到路人甲在講 "好彩冇車咋"，坐系地上回了一吓神，腦仍是一片空白，定神過後檢視全身，發現只是左手、左肩、左髖有小面積及淺層的刮傷 (今天已全部結焦了)，而 Helmet則有一個凹陷，而單車左手把之胶皮亦磨至斷開及手把內部亦有磨蝕。坐回車上，慢慢踩回家，心情低落。
對於車齡一年的我，呢次係第二次(因唔適應Lock 踏落車跌倒唔計)，每次都印象深刻，之前都睇過一些書教如何避免炒車，但未炒過，自己唔夠深刻，所以係度順便總結一下今次的失誤，同大家分享，希望各位可以借鏡，不用以抄車呢累積經驗。
總結：
1.  5:30am 起身，個人未醒晒，精神集中未夠，熱身未夠己加速；
2.  落斜看碼表，比對以前速度，心裏已由碼表主導了本身速度，影响了自我判斷。
3. 到了路口，速度過快，只顧及路况已無法留意路面沙石。
4. 路面沙石往往是炒車的罪魁禍首，在路面一般的公路落斜，唔應該去咁盡。
5. 忘記了三鐵是耐力賽，主要講耐力，單車慢咗，跑步再追，安全第一。
6. '要炒避不了"，要連車順勢側身落地，頭是身體最重的部份，在有速度墜地時頭碰撞地面是幾乎必言的，所以踩車戴頭盔"一次都不能小"。
7. 其它的就等上天安排。琴日炒車輕微皮外傷----- Really thank god !!
8. 炒車後的心靈恢復，"邊度跌低，就係边度爬番起身"，所以下周計划再踩該段路，恢復信心。
9. 最頭痛的是沒法恢復"大大"的"安心"，已沒收了"駕照"，禁止上公路，只能踩單車徑及Trainner。
各位Ching，如有炒車經歴，互相分享，引以為鑑，功德無量。

靜水

所有運動都多少帶有風險，只耍大家重視風險的存在，才會減少危險發生。帶有風險的運動亦有較大的挑戰性。所以越來越喜歡三鐵。