大圍長跑長友Blog (賽季又到，唔止要勤力d操，仲要勤力d寫Blog。)

大圍新跑手

10/11賽季成績記錄

登錄/註冊後可看大圖

大圍新跑手

原帖由 瘋狂跑步機 於 2008-7-15 11:30 發表

                               
登錄/註冊後可看大圖

大圍兄,
祝開BLOG大吉, 長跑長有!
為免俾拋離太遠, 師兄的參賽計劃小弟唯有照跟是了.

瘋狂兄，一於拍住一齊上。
小弟來緊星期五晚先會開操，有冇興趣一齊來個河畔拍跳？啱時間既7:30pm係大圍火車站等啦。

大圍新跑手

standley兄，跑多d比賽吸收經驗非常好。其實小弟既經驗比你應該還要淺，只係本人懶山長水遠咁去比賽，所以只係揀d地點方便既賽事跑 。
大家一齊努力！

大圍新跑手

瘋狂兄:
練跑其實都幾辛苦，我覺得都幾難會跑得開心，不過跑完出身大汗然後沖返個靚涼，個人就會覺得好舒服就真。
另外想請問ching如果我由大圍火車站跑到去雙橋果度大約路程係幾長？

大圍新跑手

瘋狂兄，下非常多謝提供以上網址同埋計算辦法，如果係咁我一個來回都已經有11K，平時練習來講都幾好。
其實我不嬲練習開都係跑呢段路來回，只係冇留意距離所以都冇計時間，而家知道咗對以後既練習一定好有幫助。 睇來瘋狂兄下個比賽要超越小弟就更加艱難！

大圍新跑手

今日放工踢咗場小型足球，7:30開波踢到9:00，叫做可以出身大汗同埋keep住自己狀態。
由於之前不停係咁落雨已經兩個多月冇踢波，盡興而歸。

大圍新跑手

原帖由 waiwaibrother 於 2008-7-17 00:30 發表

                               
登錄/註冊後可看大圖

恭喜大圍兄開新blog！踢波我都有興，遲D有時間約d ching踢番場友誼波切磋下啦！

梗係正啦，而家踢開果班有時都唔係咁夠人，咁一於等ching安排返場友誼波。

大圍新跑手

原帖由 Alex 於 2008-7-17 08:26 發表

                               
登錄/註冊後可看大圖

四人足球  Are there goalkeeper?

一樣都會有龍門o架，Alex兄梗係踢慣d大場啦所以唔知。

大圍新跑手

19/7 大圍火車站 <---> 雙橋
全長: 約11公里           時間: 約1小時
17,18號都冇跑，唔係因為小弟懶，只係兩日都有人約食飯，以後會操返多d補數。
今日訓咗個午覺之後，6:30度落樓下公園做吓拉根，然後慢Jog到大圍火車站當熱身，因為7.13之後都冇跑過唔知狀態點，所以用平時練跑既速度慢小小咁開始跑，雖然唔係太辛苦，不過真係好熱流好多汗，未到回程已經將支500ml既pocari飲咗2/3，到咗雙橋諗住禁停個時間睇吓，點知禁錯制冇咗個時間睇唔到，自已估計可能要35"，跟住踱步來回雙橋休吓息就開始跑返大圍。
回程開始都係用返咁上下速度跑，一路跑到畫舫見回緊程又覺得自已仲有d力，所以開始加快速度，不過跑咗冇耐已經開始索氣，於是冇辦法又減返慢小小跑，跑跑吓個電話仲冇埋電，因為我用佢來聽歌同埋計緊時，就係咁回程又計唔到時，唔覺唔覺又跑返到大圍火車站，去咗7仔買水飲，望吓個鐘8:05，計吓全程11K可能用咗成個鐘，超慢 ！
跟住一路飲水一路行返屋企，完成今日既操練 。

大圍新跑手

20/7 大圍火車站 <---> 雙橋  全長: 約11公里
        大圍火車站 ---> 海鮮舫            16"59'
        海鮮舫 ---> 雙橋                      29"30'
        雙橋 ---> 海鮮舫                       41"16'
        海鮮舫 ---> 大圍火車站          58"16'

今日都係用返平均速度咁跑，回程夠得自己已經跑快咗，但係時間出咗來都係差唔多，可能只係練跑所以都冇咩太迫自己跑，跑完都唔係覺得太攰，我諗7.26尋花問柳13公里應該冇問題。

[ 本帖最後由 大圍新跑手 於 2008-7-21 09:46 編輯 ]

大圍新跑手

原帖由 瘋狂跑步機 於 2008-7-21 07:03 發表

                               
登錄/註冊後可看大圖

連下兩城, 氣勢如雄.
要過下你, 難過登天!

仲話氣勢如虹，連跑兩晚今朝起身已經成身散使，同其他ching幾乎日日練既ching & ctse (包括瘋狂兄你)，真係冇得比啦。

大圍新跑手

原帖由 redred 於 2008-7-21 08:56 發表

                               
登錄/註冊後可看大圖

ching 勁呀
回程快左,証明ching 掌握得好好
我就次次回程都好似想死咁

red妳好：
其實我之前都好似ctse咁，開頭唔識留力使咁跑，仲試過前段去得太盡跑傷咗，仲痛到跑唔到要行路返來，我諗ctse慢慢都可以掌握到適合自己既步速。

大圍新跑手

7.25 Cross Training 沙田穗禾宛足球場
幾日都唔得閒所以冇跑步，但係每個星期四既波一定要去踢，最慘今日來得八個人要四打四，所以踢得好辛苦，踢咗唔夠一個鐘已經有波友頂唔順要收工。
如果有多d人既唔使踢得咁辛苦又可以玩耐d，呢度應該都有ching鐘意踢波，有興趣可以下星期四JOIN埋一齊玩。

大圍新跑手

原帖由 瘋狂跑步機 於 2008-7-24 13:09 發表

                               
登錄/註冊後可看大圖

呢個星期日日休息，　為的是夠力去尋花問柳！ 今晚慢jog七K算，　湊足夠呢個星期２０K算數！

我呢個星期都冇咩點跑留力跟各位ching去尋柳，希望唔會太失禮啦。

大圍新跑手

7.26 長跑網梅子林尋花問柳13K長課
今次對我來講係一個很好既長課，不過跑完之後真係有小小散散地，證明自己耐力仲係未夠。
如果要實現出年渣打完成全馬，真係再要努力比心機練多d先得。

大圍新跑手

7.29 樓下公園緩跑徑21圈約12.6K (每圈約600m)

登錄/註冊後可看大圖

大圍新跑手

7.30 穗禾宛足球場 Cross Training 出身汗

登錄/註冊後可看大圖

大圍新跑手

8.1  20:00 沙田城門河 <---> 科學園 14K 中長課
今日8月份第一日開操，先為自己訂個8月目標里數150K。

登錄/註冊後可看大圖

大圍新跑手

原帖由 Alex 於 2008-8-2 15:18 發表

                               
登錄/註冊後可看大圖

大圍兄,
8月一開波就14K, 勁

Alex兄過獎啦

登錄/註冊後可看大圖

大圍新跑手

原帖由 ram 於 2008-8-2 16:24 發表

                               
登錄/註冊後可看大圖

好勁啊大圍兄
小弟下年只敢跑半馬炸
祝大圍兄早日達標!  

我都係希望可以跑到全馬咋，點都要睇吓跟住來既進度，所以而家要早少少練定

登錄/註冊後可看大圖