|
|
rockie, junjun, 因為d野食實在太好味了, 所以食到我地唔捨得走!
簡單報告
其實今次我特登set左個18小時完成既分段時間黎試下我地有冇能力做到, 仲特別請R做pacer, R果然交足功課, 第1,2段目標3:40佢就帶領我地3:39:30完成. 但因為pacing比平時快左, 再加上大家食野遲左及突然冇晒雲好曬, 所以起第3段回唔切, 比目標時間1:50用多左16分鐘. 後來於水浪窩大吃大喝及大休一段, 上馬鞍果然全隊都有番力, 又一次證明不聲壞人言, 爆到對腳軟綿綿(壞人多次提醒我地兩個鐘要食一次野, 食既份量要夠, 猿球及R因為於1,2段食得準時及足夠, 所以第3段完全冇跌WATT, 16, iceberg及我因食得太遲太少就好似停晒電咁), 最後因有番力大家都jog到, 第4段又能做到目標時間2:40, R帶pacing真係利害.
到左基維爾, 本來係我大佬帶壽司來support我地, 但佢有要事突然甩底, 大隊唯有改為於沙田坳食麵, 但因為間士多好好生意, 等左好耐先有得食, 所以又豪花了26分鐘. 食到飽飽加上停得太耐, 由沙田坳出發初段速度好慢, 用左1:27先到達大埔道(成個第5段比目標時間又慢左好多).
於第6段, 大家都不想追時間, 所以就以輕鬆既步伐, 一面欣賞水塘夜景, 一面看看天上的星星, 有講有笑地hea到城門, 結束我咁大個仔最長既一課.
檢討
1. 今次實驗證明我地有能力做20小時, 但18小時就冇乜可能.
2. 我們要想想方法解決休息太耐這死症.
3. 沿途要定時定量補糧及補水.
4. 大家要傾掂邊段行邊段jog, 定好計劃就要嚴格執行.
5. R是一位極佳的support, 我地要好好利用佢! |
|
樓主
" />" />