Cliff之跑步記錄

monkeywsk

恭喜cliff ching得到了健康!!!

post 多d靚相上黎呀~~~

繼續加油~~

[ 本帖最後由 monkeywsk 於 2011-9-29 08:52 編輯 ]

Cliff

多謝Kevin兄！

有你地ge feedback 同鼓勵我就更有動力la。

Cliff

2011-9-29 星期四 白天大風大雨 /夜晚大風無雨

今日白天大風大雨，好彩夜晚就無再落雨。
夜晚8點開跑，由於落過雨，地面非常濕滑，加上著左抓地性較差ge Lunarswift，雖然已經跑得好慢，仍然唔系好掂，最羅命系今晚ge跑褲內膽居然刮大俾，跑得我一路扯條褲，最後跑左5圈收工。

場地：體育館外圍
距離：4K
用時：23‘24“
跑鞋：Nike Lurnarswift

Cliff

2011-9-30 星期五 晴朗

今日annual leave。早上送完囡囡上學，由於昨晚未跑過癮，就黎到學校附近ge靈芝公園跑過。好耐無黎，個跑道全部鋪成瀝青路面，而且跑道唔系平ge，而系蜿蜒起伏，跑起來零舍過癮。

環園跑道每圈大約1K，因為仲有事，只是跑左3圈（3K）就收工。今日著番美記，舒服ge感覺又番黎la

場地：靈芝公園
距離：3K
時間：16‘18“
跑鞋：美記

[ 本帖最後由 Cliff 於 2011-9-30 20:33 編輯 ]

Cliff

靈芝公園蜿蜒ge跑道

Cliff

瀝青路面，唔會線腳，唔會凹凸不平，唔會積水，抓地感覺十足，相當唔錯

[ 本帖最後由 Cliff 於 2011-10-1 08:49 編輯 ]

Cliff

好中意呢段直道，跑起來好有feel

Cliff

呢段就當系做日光浴啦。

Cliff

細公園有大雕塑：奔馬雕塑。

上水馬王

靈芝公園環境好正呀，我都想去跑下！

Cliff

原帖由 上水馬王 於 2011-9-30 22:21 發表

                               
登錄/註冊後可看大圖

靈芝公園環境好正呀，我都想去跑下！

多謝馬王亦都歡迎馬王過黎跑番幾十轉！幾時你都post d靚跑線俾我地流下口水啦。

其實未中意跑步前，真系唔知身邊仲有咁多跑步佳境，或者系因為平時行公園，通常行路系行唔曬ge，所以睇到的風景都好有限，用跑ge方式就唔同啦，可以睇多好多美景架。

[ 本帖最後由 Cliff 於 2011-10-1 08:47 編輯 ]

Cliff

2011-10-2 陰有短時小雨

國慶假期第二天，亦都系屋企抖左兩日，今日雖然個天一直陰陰地，仲有短時小雨，不過我都想好左，小雨都照跑。
今日決定跑寶安公園。寶安公園其實同塘朗山公園一樣，基本上系圍住幾座小山頭而建，size就比塘朗山公園細好多。之前去寶安公園都系跑環山道，一圈3K，環山道依山而建，石子水泥路面，長斜同急斜交錯，綠蔭環繞，簡直是跑步聖地，不足之處就系（尤其系週末同節假日）好多人，有d路段有時甚至可以用寸步難行黎形容。

另外，公園總有一條上山道，石板路面，斜度更大更陡，d坡度個人認為比塘朗山、平巒山更甚，從北面上山道入口跑上山頂再從另一面落山到東面上山道入口大約2K。

今日好彩落小雨，我到ge時候公園唔多人。跑左一圈環山道后，我決定挑戰一下上山道（之前未试过跑呢條上山道，都系走上去ge，而且行上去都覺好辛苦）。

跑上山道時，仍然貫徹上落斜慢跑，平路快跑的策略，估唔到，之前在我眼裡算系不可能跑上去ge路，今日居然輕鬆征服，而且總上落山兩次，跑完後仲想跑多轉環山道，不過想下都系算了，上半身無問題，擔心ge系下半身出事。系跑上山道ge途中，遇到幾位同樣跑緊ge跑友，以前覺得只能遙望或仰視ge猛人，宜家居然可以拉近d甚至可以平視甚至甚至有机会超越羅wo，好有成就感啊。

跑完後，仲落廚整埋餸兼飯後洗埋碗筷，完全無覺攰。

Ps：今晚整左：薯仔燜五花肉、涼瓜炒蛋、肉片炒絲瓜&炒麥菜，破例飲左罐啤酒，好正！

場地：寶安公園
時間：環山道 3K 17‘
         上山道 2K*2  45‘
         Total: 9K  62'
跑鞋：美記Wave Mustang 6 (宜家越黎越中意WM6 啦)

[ 本帖最後由 Cliff 於 2011-10-2 23:34 編輯 ]

Cliff

環山道隨拍

Cliff

上山道隨拍
下面第一幅就系北面上山道入口，右面ge系環山道

[ 本帖最後由 Cliff 於 2011-10-2 22:33 編輯 ]

Cliff

仲系上山道，從未覺得上山道如此美麗，因為從未從頭到尾行曬。

Cliff

最後一張梗系山頂ge view 啦

上水馬王

原帖由 Cliff 於 2011-10-1 08:45 發表

                               
登錄/註冊後可看大圖

多謝馬王亦都歡迎馬王過黎跑番幾十轉！幾時你都post d靚跑線俾我地流下口水啦。

其實未中意跑步前，真系唔知身邊仲有咁多跑步佳境，或者系因為平時行公園，通常行路系行唔曬ge，所以睇到的風景都好有限，用跑 ...

睇你post寶安公國d相，環境一樣咁正

Cliff

原帖由 上水馬王 於 2011-10-3 00:46 發表

                               
登錄/註冊後可看大圖

睇你post寶安公國d相，環境一樣咁正

。。。。。。

Cliff

2011-10-3 星期一 阴凉、雨

今日去左市場買餸，好耐無去市場買餸，宜家先發現的餸菜價錢真系貴左好多（真後知後覺得好厲害 ），一般都系到超市買，好多餸計埋一齊look卡，都唔多覺肉赤，系市場就系一樣樣俾cash，真系不當家不知柴米貴啊。

今日跑休，等個膝頭go抖下先。

[ 本帖最後由 Cliff 於 2011-10-4 22:10 編輯 ]

Cliff

2011-10-4 星期二 陰涼

晚上8點半開跑，頭3圈（每圈700米）都系4‘15“ge圈速，第4圈起加小小到4’10”，跑到第7圈（5K）時用時28‘12“，平均4’03”每圈。今晚臨時加多3圈，共跑10圈（7K）。最後一圈居然仲有力衝刺，好爽。

今晚天氣明顯涼左好多，風都大左。汗出得都無咁多。返去ge路上都系好大風，大家記得要注意跑后擦汗保溫，感冒就唔抵啦。

場地：體育館外圍
距離：10圈（7K）
時間：40‘12“
跑鞋：美記Wave Nexus 5