渣打組別介定, 我只想講出大會的不當和不公, 選手不根規則行事

felixcat

北海道馬拉松都係按申報時間然後排位，除咗話誠唔誠實申報外，最後跑手跟唔跟大會指定，都係果句自律。

另外kin師兄已經講咗個大會困難嘅精結，同股票一樣，以往表現只能作為參考，不能作為今日嘅保證。除非大會可以引入獎勵或懲罰機制，去處理能夠準時同唔準時完成嘅跑手，否則自律依然係最重要。不過假如引入咁嘅機制，又有好多人評擊同批評。

felixcat

原帖由 sunrise 於 2012-2-9 14:44 發表

                               
登錄/註冊後可看大圖

大會呢D所謂架條件, 其實只是門面工夫, 因為沒有要求參賽者提出證明, 所以好多人都唔會理會.  老實講, 賽道擠塞同多了未符資格的人報了挑戰組關係不大, 除了上線排隊外, 慢的跟本就無能力阻礙快的跑, 西隧等位置 ...

如果唔係有人受到影響，我諗都未有人介意點分組。我覺得sunrise 師兄又講中精結，而大家響度再討論點分組就正如僧多粥少嘅問題，無補於事。就算大會按申報PB時間排位上挑戰組，咁乜嘢比賽先承認？就算排咗位又點執法？我跑HM挑戰組，都有期他組嘅HM跑手同我一齊起步，咁又點算先？中途逐個拉出嚟？今年大會特別將唔啱組別起步嘅人撇開計數，已經係一大進步。

felixcat

原帖由 winwin 於 2012-2-10 12:57 發表

                               
登錄/註冊後可看大圖

…當然這個post的主要目的是希望大會能改善問題. 問題確是由大會安排不當所引起

既然大家都差唔多對問題有共識，或者可以話經已求同存異，定出明確嘅論點後就聯署去田總。我唔知呢度有幾多位師兄可以有能力去間接影響田總，不過議論咗咁多寶貴意見而唔進一步行動，實在浪費同只可能奢望田總有所改變。

[ 本帖最後由 felixcat 於 2012-2-10 14:48 編輯 ]

felixcat

Winwin師兄，很高興你出現仲提返我段說話，我以為無人會睇，同有人繼續響度各自各發洩情緒，所以自此我都唔再出聲。師兄既然你開文寫咁大段嘢，經已好值得欣賞，亦之所以係咁，唔好俾件事不了了之。如果想好似你個網名咁雙贏，不如你整理下呢度各人寶貴同有建設性嘅意見，然後歸納出大部分人都認同嘅論據，就直接去信俾田總提出建議。好明顯呢度有好多好有份量嘅師姐、師兄，欠缺嘅可能只係D能夠推動事情嘅人。

我個人唔太認同填份意見書發表下就可以對事情有幫助，師兄你提出嘅問題都幾複雜，唔係三言兩語或大是大非嘅對同錯，單睇你開文後有其他師兄、師姐不斷提出嘅大量補充，就知問題本身係有爭議。咁難得咁短時間就集合咗咁多意見，如果唔將佢整理，除咗唔會令有關方面作出改善以外，仲會令件壞事不斷重復，而大家亦習以為常。

曾經我都就使用一次性晶片寫過建議書去田總，響度都有人有唔同嘅意見，去信後不久田總都有覆我。我覺得大會方面都有認真對侍跑手嘅意見，而同時大會亦有好多限制，同要兼顧唔同人有唔同嘅素求。我唔敢話寫咗封信去會點點點，但我認為「議而不決，決而不行」必一事無成。有關一次性晶片嘅討論可以睇返呢度：https://www.longrun.hk/forum/vie ... &extra=page%3D2。

felixcat

亮哥，我只可認同你講，唔再出聲以免影響討論。

臨行前澄清我並非鼓勵參加者唔填問卷俾意見，我只係想話問卷一般設計係做統計分折，附加文字意見當然我相信會大會係會處理，但單睇呢個討論就已經有好多方面嘅意見，你一言我一語，唔整理就難以所謂求同存異。當然如果唔需要討論嘅意見，咁係可以自行向大會發表，不過相信唔係樓主開文嘅目的。

另外當然有部分人可能認為意見提出咗，跟著點做嘅責任就應該由大會付。我想只係提出問題好多都會提出，但經深思熟慮同分折問題後嘅建議相對係少，亦因此集思廣益先會令問題越辯越明，而我覺得咁至係討論區所需。無論如何，離題言多請見諒。