已開始接受報名。

大圍新跑手

睇完咁多 ching 既分享，真係有小小放棄跑09年渣打全馬既念頭，原因為：
1)   操練不足 -  做唔到像大隻兄所講每日跑20K or 像屈兄所講每星期 110K，小弟粗略估計每星期最多                                   只能跑 50 -70K。
2)   經驗不足 -  小弟開始跑步只係一年度，正式比賽只係跑過 1 次 HM 同埋 1 次 10K 咁多，lvrunner兄跑咗                           成10年先玩第一次 FM，如果我咁快就學人跑 FM 極有可能會步 Gills兄後塵。

但以小弟一向不服輸既性格，加上經我人腦精密既分析之後，認為以上兩個問題是有機會可以克服的：
1)    操練問題 -    我認為每日 20K or 每星期 110K 只是一個基本指標，由於每人各自體質有所不同，加上意                            志力未嘗沒可能將操練不足既問題克服。
2)   經驗問題  -    睇返 Gills兄果次既經驗，發現佢頭 20K 只係用咗大約 75" (對我來講真係一個好快好快既                                時間)，可能係因為咁影響到佢未段既耐力先完成唔到比賽。因為我今次只係想完成比賽而                            唔會諗時間既問題，如果我用比較慢同埋平均既速度來跑係會有機會跑(唔需要行)畢全程。

當然我都唔會淨係諗吓就真係會認為自己跑到啦，等天氣涼返d，我會係報名前安排一課 30K+ LSD 試試腳，好彩既話可以預先嘗試到 "Hit the wall" 既味道，應該會幾和味。

最後到時會著兩件衫去比賽，作定最壞打算到時要上巴士，會即時除咗長跑網件衫先，費時一陣比人影到影衰長跑網個朵就唔好啦。除非到時受傷或者其他不可抗力既原因，一於全馬！去馬！全馬！去馬！