Running kit - Running report

長跑傑

2014/04/27 同心喜跑慈善馬拉松 8K 00"37"06
4“44/k, 比半馬更慢，五月唔玩比賽了.....原來退步比進步快得多，無練兩星期，時間後退至半年前

長跑傑

葵青12.5K
早上五點起來晨運, 出身汗,好舒服;5月無比賽放鬆心情跑, 原來才是最舒服, 一直都迫得太緊了. 我的跑步心境又進了另一階段

長跑傑

夏日炎炎跑大棠斜坡 12K - 01"03"47
咁屎熱晒到濃，跑完食自助餐

長跑傑

LSD 30K 葵涌 - 小欖

長跑傑

雨夜徒跑50K 深水步-秀茂坪
今晚拍JOE同KEN走一轉西貢出返彩虹,一早知要淋雨, 但大家唔大雨都唔跑,真係少年輕狂,一開始經大埔道跑上金山好爽,因為正是黃雨中,上斜第一次咁舒服,而且車輛駛過的水花由頭淋到落腳,像沖涼一樣,大家都話,喂黎多野呀~司機都傻了眼.
接著到大圍跑城門河好冷清,又可以跑單車徑,Z型跑都無阻人,真是奇景,完了海濱長廊已經18K, 但雙腳像跑了2K熱身.
經西沙路入西貢,又黑又暗,好彩三人行加落雨,無遇到狗既突擊,但D私家車既燈照到盲...上上落落經老圍,水浪窩,出了西貢,KEN先走,我們又繼續,雨都開始停加上接近30K,跑得無咁舒服了.
遇上西貢公路,一條大上斜,記得上次由上而落是多麼爽,今次真係甘, 跑完雙腿開始黎料, 開始提不高,腳板又酸又痛,唯有呃自己長課係咁架啦
衝一輪落斜落到將軍澳已經39K, 食過宵夜,又再上斜,恐怖的澳景路, 真的又長又斜,有幾次想行,但JOE真係唔等人,唯KEEP有住跑,因為好陰森,今次真係真身都出埋,跑到無我境界,心想就到,KEEP住去....不停重覆, 終於捱過. 最後落秀茂坪見已經50K,就打的走佬, JOE話你都未盡,我話下次先啦.....咁甘~

長跑傑

熱力動慼 26K 葵涌 - 三聖
收工後,又係跑步既好時機,今日由屋企,過青衣,再出返荃入屯門,頭10K好辛苦,又焗又熱,幸好出返荃灣開始落雨,迷迷糊糊到深井有點眼訓, 小休數分鐘又出發，開始天光見到不少師兄由屯門跑出黎, 去到小欖仲見到榮哥私操,好勤力, 突然發現地盤有隻輾扁左既狗,死得好恐怖, 驚到我警都唔敢報,希望有人見到執走佢吧.,跑到黃金海岸已經23K有點肚餓,食個包再上路,但此時大腿內側擦到好痛,跑多3K就頂唔順,去到三聖剛好有巴士, 就返家訓覺了~ ~懶左好多~

長跑傑

DARK 60K - 06"58"55
特登請兩日假為一次跑步,因為我覺得這次長課實不簡單(以我能力), 去程30,回程30, 一課跑60K , 晚上比日間實在涼得多,一口氣便15K, 到了深井有SEVEN補給,然後進入夜深, 來回的人己很少, 唯到了20k有人在小欖橋底釣魚, 經前日死狗果度,屍體已消失,幾驚夕見到, 23k,黃金海岸,第二個補給站,拉拉筋又出發, 25k左右開始到屯門，有點迷路，JOE話一路向北搵渠,跑跑下又搵到,屯門原來好多人半夜跑步,過了屯門醫院,剛夠30K, 可以回頭了, 惡夢來了,雙腳開始不聽話,乳酸都跑了出來,跑姿開始生硬,37K停下拉筋,45K到了深井想GIVEUP, 雙腳無一個位不痛, 接下來玩催眠,不停講到了到了,頂埋佢, 52K荃西真想就跑回家,不跑過青衣,但不夠60K,意義就失去了, 為了唔衰得, 我用上喪屍跑法,腳在痛,不理會,心在想保持一個跑既姿勢,直到終點,樣子當然十分痛苦,在死頂,一輪上落橋,終於到按錶一刻.我做到了.....其實長短只是數字,要超越自己,衝玻心魔,才是最難的事, 8小時連休(實跑7小時)可以訓教了zzzz

長跑傑

環九龍半島 70k
星期六日，又係跑通宵既好時機，老早約定了今天跑100k,可惜事與願違，有些事總估不到。頭50k月中已跑過，50k打後由秀茂坪到旺角8k, 雙腳都還可以，但60k打後，天氣繼續焗熱，雙腳開始軟，可能凌晨五點左右，精神散漫，出現討厭再跑的感覺，雖然雙腳還可以，但原來跑得太長會有一種反感的感覺，最後返回運動場剛好一大圈70k用了12小時，無痛下戰意全失，敗走了，可能跑資太短，今天明白100k不是捱到就可以，要有一種決心，今次明顯無，下次還想再試^^

長跑傑

RUNNING FOR 64

長跑傑

Fearless dargon charity run 10K -51"50
已經無練10k,30度猛太陽,邊行邊跑，hea完個10k

長跑傑

真係好耐無打跑步日記, 其實我一直在跑, 但又懶得紀錄下來, 今日就好好的寫一篇吧
這兩個月跑步的心態變了, 可能進步空間很少, 變得無再造出PB, 又或者天氣真的熱得誇張,已經無再睇重時間,
但比賽仍無減少, 始終喜歡比賽的氣氛, 拼命跑的感覺.
6月15日維碼跑動 7.5k - 39"47
七成上斜好喘氣，但有雨又涼快
6月29日Panasonic夏日慈善賽 8 k - 40"00
雖然晚上, 但都覺得好熱...
7月5日葵芳-彩虹 27 k
7月14日荃灣杯10K - 50"07
7月20日西九回歸跑 6 K- 26"xx 在海濱長廊自轉三圈
8月3日 葵芳-美孚(來回)11k
8月7日葵涌～奧海城 來回 20.4 K
8 月10 日Macleho 7,8,9 + 大欖 38K - 07"16"49
為156第一次操山, 很快便完成789段, 8-9段還幾乎全跑, 但入了大欖涌水塘便烈陽壓頂, 水又飲曬, 唯有靠山水, 就落小欖見到一個玩左2次156 的後生仔,而且30小時完成, 立即要認識下,落到大欖JOE還問我會否跑返屋企15K, 下次下次, 下次大概可以.....半年無玩山,第一次食40K連休都係用7個半鐘, 收貨啦

長跑傑

葵涌-汀九 18.5K
雨一直下不停,真爽 !

長跑傑

港島徑50+7K
未到起點先由中環上山頂加操3k, 前半段都喪跑，幾乎7K/hour, 中途落田灣補給又加了3k路，後半段陽光普照先恐怖，一口氣上渣甸，小馬，畢拿山，落引水道再上龍脊真的好曬好辛苦，上梯級腳都軟，最後捱到終點但時間用足10小時，大家都不太滿意，似乎烈陽神功尚要鍛練

長跑傑

葵涌-深井18K
02:30-04:30AM....

長跑傑

忙裏偷閒 13K , 葵涌 - 青衣

長跑傑

葵涌-青龍頭 21.9K
喜愛夜浦2 - 跑左半隻夜馬

長跑傑

葵涌-小欖 28K
夜蒲太多累了

長跑傑

Sport Soho 聯賽杯第三
以為這些機會不是我的.....真是很大的鼓舞 ~

長跑傑

三個比賽按名次計分，維動7.5k 飛達10k,夏日慈善8K

長跑傑

今晚要習慣下通宵，比賽當日都要過2晚夜，由油塘 出發，經秀茂坪，彩虹，上飛鵝，落黃大仙，深水步，再上金山正式入山，其實十一點開始已經好眼訓，去到三點真係無精神過，一邊鐘，一邊跑，有幾次行z形自己都唔知，真大獲，自上年毅行已經無玩夜山，完全忽略了眼訓問題，入山後，經城門水塘過太和，已經早上八點，我還未醒過，幸好在太和飲了咖啡，會合cat, 食埋佢既紅豆沙，由cat領軍一口氣上九龍坑山，可惜我又頭痛，joe 剛巧又擦損腳址，終於無過八仙嶺，由粉嶺搭車走，共用了14.5 小時。