2013.12.01 澳門國際馬拉松

馬交餅

[澳門日報 2013 年9月2日　星期一]

    澳門國際馬拉松早成本地年度體壇盛事，遺憾的是去年鮮有地出現跑錯路問題，全程、半程及迷馬的運動員幾乎都牽涉在內，難怪賽後不少負面評價。經一事長一智，體發局代表局長戴祖義公佈今年將首度採用封閉賽道進行，目的讓跑手更清晰及安全享受賽事。畢竟澳門國際馬拉松踏入第卅二年，主辦單位都想省返靚個招牌。

    所謂的封閉賽道具體會係點？賈某向體發局查詢，對方卻大賣關子，透露稍後將會有記者招待會公佈具體內容，以及如何避免去年跑錯路的情況再發生。當局越唔講就越令人好奇，有跑友推測，可能用鐵馬完全封實整條賽道，不像以往部分路段冇遮冇擋，旁邊更會有限度通車。

    外界期待組委會揭盅，睇睇呢條首度封閉賽道會有咩驚喜。但要知結果或者要再等等，至於報名就唔使，今日起可將資料遞交至相關報名點，亦可在互聯網搞掂，有心的跑友還是早早報名。半程及迷馬相當受歡迎，雖有兩、三千個名額，但唔覺唔覺就滿晒，去年曾有跑友呻未到截止日期便額滿，自己最終冇得跑。反正預定要參賽，早少少報名早少少開始訓練，便可有充足時間準備。

馬交餅

apstudio 發表於 2013-12-3 21:20
同意您的說法....我也是跑了三年...真的感受到比賽單位的誠意
我覺得真的改善不少...該給比賽單位一個大 ...

澳門既完賽證書可以直接上marathon photo網站download, 大會已經包埋唔洗跑手另外俾錢買架.

馬交餅

sunking 發表於 2013-12-3 20:26
松山其實由邊度上去架??? 我乙水仔多, 基本上都跑龍環葡韻同銀河對開直路...
LSD就跑過橋去澳門... ...

澳門有好多跑友都會響氹仔跑, 其中有一班每朝都會響三育中學對面戶外天地開跑.
長課就跑路環.

馬交餅

samsoniu 發表於 2013-12-2 20:28
大家好，小弟跑步已經跑了4年了。從2009年開始的時候只是跑著玩，一開始只能跑3－4公里，報名澳門馬拉松也 ...

恭喜晒!! 今次冇同你地合照添.