2014.03.23 AXA 安盛香港街馬10公里@九龍東2014

donald_duck

爬左咁耐文章，我覺得$480報名費係笑話啦，會報一定係early bird既$280，一係就唔玩，所以$480既報名費只係市場技巧，希望早些確定報名人數，因為搞一個幾千人既活動，當中涉及幾多資源調配，早點確實人數會好安排。
至於活動我睇到係首次可以申請到係市區封路，都係一種突破，今次可以係10K，下年可以有半馬，又可能再封多D市區路。我地成日話渣馬跑五隧一橋無人地帶，今次未嘗不是突破。

不過作為跑友，我都覺$280係比一般賽事略貴，但我係經跑會報，聽講搞手有優惠比各大跑會，不如長跑網問下囉。

donald_duck

我都希望搞手clear比例的問題，其實類似的問題我地唔會過問UNICEF，渣打（渣打盤數舊年都比傳媒報導帳目不清）只因為此等機構有一定知名度同公信力。作為一個新馬仔，要取信於人係要多點力度，希望搞手明白。

donald_duck

大力 發表於 2014-1-16 14:39
去以下網頁睇下主辦機構嘅主席幾猛料啦 -

http://www.baincapitalprivateequity.com/team/leong-cheung

呢位師兄似乎好熟主辦單位既人，不過討論應該係針對事實同事本質，太針對人就影響了討論喇。

我地都係希望搞清件事值唔值得支持。

donald_duck

我係跑友，不過都報左，因為認同搞手理念，當然，事情會否如有些跑友所講，即本$230當比一次機會，呃哂都係兩舊。

明顯傳統跑友未必認同此活動，我覺得價值首不同就拗來無謂，不參加就是了，活動成功與否亦無須上心。

donald_duck

Hennatalk 發表於 2014-1-19 03:30
好奇問吓，師兄可選擇答唔答？師兄是否比較少參與本地賽事？因為渣馬是三橋三隧，但師兄卻説五隧—橋。
...

渣馬一句是手文之誤，打左無留意亦懶改，幾隧幾橋不重要，總之就係跑在一大段無人公路吧。本地賽事我參與不少，一年約七個左右，主要玩大賽。今次會玩，都係想睇下搞手如何開始實踐一個城市的馬拉松。當然，我絕對認同大部份版友講，便宜一點是好

另外大力請不要扣帽子，我不是你認識的那位同學，當然，你可以說這是我片面一詞，網上世界，大家都是各有各說，正如你說的都是沒法證實。

donald_duck

尋晚練30K長課，反正都是週圍走湊里數，其中10K就跟了大會的路線去跑，我綜合以下幾點比各方參考討論 :

1. 偉業街，海濱道是一定要封路先可以跑，一人走行人路都覺得窄，唔好話5000人，50人都無可能，警方運輸處批得呢條路，就必要顧及安全問題。
2. 偉業街的行人路盡頭，即往彩虹方向，跑到尾是沒有路的，睇大會路線，是由偉業街轉入啟業道，呢道要駁得通，要係馬路先有路入，相信係要封大馬路。
3. 回程經宏開道，途經無數燈位，唔封又係無得跑。我試路時就停左幾次得轉燈。
4. 天橋是問題，要跑得快盡早過，不過呢個位係路線中間，理論上不同 pacing 已經拉開，快腳應該不受影響，慢跑就無咩所謂。反而尋晚跑時，有露宿者雜物擋路!

以我心得，呢條路一定唔係10K PB好路，要快要PB就玩返美記城門或石門好了。有些路是跑入民居的，如果多些人圍觀，倒是幾開心。