2014.03.23 AXA 安盛香港街馬10公里@九龍東2014

wlau

awolswat 發表於 2014-1-10 14:23
$480....仲貴過Unicef ! 不考慮!!

Unicef 話晒叫慈善賽, 俾都叫俾得有價值...
這個真係貴都有D 過份..

wlau

我個人杯葛這個比賽, 亦係自己FACEBOOK 度提醒其他朋友.. 我唔會直接叫佢地唔好報, 但我將我見到既同覺得既問題LIST 晒出來, 等佢地自己決定最後報定唔報..

wlau

donald_duck 發表於 2014-1-15 23:23
爬左咁耐文章，我覺得$480報名費係笑話啦，會報一定係early bird既$280，一係就唔玩，所以$480既報名費只係 ...

280/480 如果係慈善賽, 我唔覺得貴.. 好似渣馬, 聯合國, 清水灣咁.. 我覺得唔算貴..
但有人係FB 問佢點解要成 480 , 佢答係慈善賽, 講自己係慈善賽, 但又搞咁多嘉年華, 開演唱會, 咁D 錢點駛就大問題.., 因為佢扣除一切開支先捐D 錢出去, 我之前係FB 問佢, 480 用作慈善既比例有幾多, 受助機構有邊D, 佢寫九龍東青年團體, 我問佢即係邊D機構, , 佢完全迴避唔答, 咁佢令我好懷疑果480 元既比賽費用係俾佢攪場大龍鳳出位, 定真係幫人..
佢肯答人清清楚楚就唔會攪到咁多人對佢有咁大疑問..
岩岩睇番, 佢答番有邊D 機構.. 咁就得番個問題.. 就係比例有幾多, 係唔係扣除晒包括演唱會等活動先會捐錢出去.

wlau

adrianho 發表於 2014-1-20 19:22
我爬哂文，有以下意見︰
1) 一路以黎好多師兄提到渣馬冇氣氛，而家有人想改變出黎搞不一樣的比賽，咁係咪應 ...

都係果句, 佢如果只係普通比賽, 貴有貴玩.. , 平有平玩, 但佢以慈善賽為名, 咁佢D 錢去邊, 就一定要清清楚楚., 因為咁貴會令人覺得會係因為慈善, D 報名貴都係捐錢, 而去JOIN, 最少我身邊有D 平時唔跑既FRIEND 已經話三月有個慈善賽, 問我JOIN 唔JOIN.

個比賽一開始無交代D 錢去邊D 機構, 後來好多人問, 佢地有改善, 加番D 社福機構名入去, 但就係唔係交代到底會捐幾多錢出去俾果D 社福機構, 佢一路只係講扣除開支會損左出去, 但扣既開支包括D 乜?

佢既嘉年華同演唱會係唔係有人贊助, 定都係當佢既成本開支? 佢一開始大意無講, 咁現在可以交代番既..
如果演唱會同嘉年華係成本之一, 咁一陣七除八扣會唔會得番一, 兩成錢或更少去左D 社福機構到呢?
以上問題係我覺得有需要清清楚楚囉..
再加上, 佢現在既報名費, 話因為佢個慈善組織仲伸請緊, 係先俾晒佢隻基金度先, 咁佢收晒D 錢, 會唔會有機會做投資先再捐呢?

攪手佢可能係樹大招風,  但如果以為佢咁見多識廣既閱歷, 仲要係創投基金旗手, 無理由會攪個比賽都攪到唔清唔楚..出現咁多奇怪既疑問出來..

我唔想我地出錢, 佢就出晒名, 而結果係最後D 報名費同贊助係去晒D所謂既成本度, 而無乜錢去到D 真正有需要既人度..

所以最重要一句, 係收入同支出.要清清楚楚 先會令人信服..

wlau

佢完全無視我問佢D 錢點分, 扣除成本是否包括嘉年華, 演唱會等高支出項目既問題..
希望佢只係等緊D 同管錢有關既高層回應, 所以先成個禮拜都未覆, 而唔係好似我D 小人所諗, 以參賽者D 錢來成就自己既功名, 所以答唔出或避而不答.......
P.S 如果佢唔係慈善賽, 我就覺得貴有貴玩 , 無野好嘈.. 但用得慈善賽名義, 我就覺得佢錢既運用應該要清楚D..