2014.03.23 AXA 安盛香港街馬10公里@九龍東2014

nacorner90

屋企已經有10幾個紀念牌,  少1個又如何,  280真係好貴,  跑10k而已,  150左右已經係極限,  大家咁踴躍只會助長加風,  到出年個個賽事都加到200樓上就大件事, 有冠名贊助都收到咁貴, 何解,  不喜勿插

nacorner90

同埋呢的市區比賽,  會吸引一班鍾意自拍的步兵參賽又自拍又打卡,  跑吓10公里又晌社交網話自己剛剛跑完馬拉松, 唸起的自拍人都怕怕, 不如大家跑啲認真賽事,  中 X, 泰 x, Asics, Mizuno仲好

nacorner90

基本上保險公司冠名贊助就應 COVER 晒所有開支, 參加者報名費就全數捐晒俾受助機構就啱, 無理由要出錢出力幫佢賣廣告 (利申, 我不是從事保險行業,  不存在利益衝突或同行如敵國的問題) (HK$480X5000在保險公司來說是微不足道的數目)

nacorner90

睇佢地個facebook, 有師兄提出路線,  如何計算扣除成本後之收益等問題,  但有關人士好像對這些問題視而不見,  只是重覆地迴避,  其實認真跑步的誰會理會佢有無嘉年華會, 得果10K都要搞個嘉年華會真是勞民傷財兼無謂, (可能方便出數作扣除必要開支),  千祈唔好又請幾個半紅不黑的所謂明星(但半馬都未跑過的)來宣傳自己如何熱愛馬拉松, 當然各位見慣世面的師兄唔會花錢在這個活動,  但真擔心那些心智未成熟的跑手浪費金錢參加一些無意義的比賽

nacorner90

bennylks 發表於 2014-1-16 21:58
報左名，$230，用discount code

師兄,  這是什麼 Discount Code, 什麼人有資格,  Discount Code 是否分Grading, 會否有些人會更平或免費 ?   

nacorner90

如果佢地好似倫敦馬拉松可以全數捐俾自己指定受助機構,  我就會支持,  扣除開支,  攪咁多同跑步無關的事,  又嘉年華會,  又演唱會,  開支可能好大, 捐款可能所剩無幾,  到頭來只是提供了一個機會給贊助商在嘉年華會推廣產品,  表演者賺取出場費,  相關機構如運輸,  搭台公司生意, 攪手Show off及提供知名度,  保險從業者免費公司活動的機會,  付全費480或early bird 280的跑手可以得到的是3月煙雨淒迷的某個星期日唔洗咁早起身晌工廠區吸廢氣(甚至pm2.5),  同5000人一齊迫跑行人路(當中有很多第一次跑"10公里馬拉松" 要打卡, 自拍, 即時上Facebook),  但其實平日晚上或早一二個鐘起身大家唔洗俾錢45或50分鐘已經輕易做完的事,  點解要攪到咁複雜,  唔通佢個紀念牌真係咁有紀念價值(因為只會攪一次), 唔知點解自己咁勞氣, 返緊工用咁多時間打中文評論,    反正我跑慣全馬, 一定我唔會參加,  同主辦機構無怨無愁, 根本唔知佢係邊個,  不過真係睇唔過眼

nacorner90

係"無怨無仇",  錯別字,  真失禮

nacorner90

剛在跑網另一版看到新地贊助的公益慈善馬拉松，同樣是包括10公里, 同樣是大財團贊助,  但人家新地在賽後為跑手提供美點、生果和餐飲，更送上毛巾、暖杯和其他精美紀念品，以示鼓勵。活動籌得超過港幣600萬元。善款將會全數捐贈作慈善用途。這樣的比賽你要我捐480, 500我都會捐得心悅誠服