2014.03.23 AXA 安盛香港街馬10公里@九龍東2014

Hennatalk

呢個就係鋪咗好耐，用踩渣馬去抬高自己的10K賽嘛。唉，只好講一聲，做好自己先啦！渣馬報名費，都係$300炸，有實體証書，又有紀念品，跑全馬仲抵，玩足成朝，又有獎牌。佢咁攪係唔係想，反證，渣打其實很不錯。我贊成多攪賽事，但不想啲人靠對別人指指點點去成就自己。
長跑的精神是做好自己呀！
呢條賽道有新鮮感的，如果啲報名費有慈善用途，也可考慮的。

Hennatalk

kylo1935 發表於 2014-1-10 09:32
貴的原因可能是有什麼什麼三張“香港街馬嘉年華”入場券和完成會有一個紀念牌。

暫時好像沒有一個10km比賽 ...

如果係咁就更差，要「綑綁式消售」。唔係個個參加賽事，都帶埋家人或朋友。就算有，可能也少於三個。假設你成家一齊跑，攞咁多入場券為乜呢？而且，另外啲賽事，有嘉年華會都是免費的。
只覺得呢次個主辨者，完成唔理解長跑愛好者的角度。

Hennatalk

「街馬」嗰兩個字好核突，無馬拉松賽，叫乜嘢「馬」呀！「街馬」又同「渣馬」差唔多音。又鬥人，又想騎劫人哋

Hennatalk

阿聰 發表於 2014-1-11 16:31
咁又未必，如果從未玩過長跑既，而又報唔到今年渣馬既人，佢地會報名一試。 ...

對呀！所以我決定多啲同人講，呢個活動有幾黑暗，同埋十公里，唔係馬拉松，跑法唔同。仲有，香港其實有許多好正的十公里、半馬，全馬賽。可以上各跑會網頁了解。當然上「長跑網」係首選。

Hennatalk

mar123 發表於 2014-1-12 13:29
作為熱愛長跑人仕,我們必須团结起走杯葛安盛香港街馬10公里. 若讓它成功主辦,以後就有团体將報名费增加.其 ...

我覺得只是杯葛，真的不夠。我們要將正確的訊息傳開去。對方有傳媒做工具啊！
首先，幫它糾正個名，應該叫安盛香港「造馬」10公里。因為十公里扮作馬拉松，又假推廣長跑，真掠水。
行動方面，有渠道表達意見，就盡做。
我覺懂拍片的跑友，可以去郵輪碼頭附近跑10K，拍片，然後post上網，解釋長跑，可以不用花很貴的。

Hennatalk

大力 發表於 2014-1-13 20:49
我估佢地唔敢咁做。

單純d睇，只係一盤生意。5000個參賽者嘅報名費，加十幾個sponsors，本身已經好和味。 ...

師兄，有樣嘢，我都擔心呀！所謂主席，企圖將馬拉松同十公里的概念偷換。外地人唔清楚，可能以為香港人都當馬拉松，即係10公里。一係比人笑幼稚。一係，唉! 下次我同啲外地人講，我跑馬拉松要幾粒鐘。佢地可能諗：「跑10K, 幾粒鐘⋯⋯東亞病夫。」

Hennatalk

nacorner90 發表於 2014-1-17 15:45
如果佢地好似倫敦馬拉松可以全數捐俾自己指定受助機構,  我就會支持,  扣除開支,  攪咁多同跑步無關的事,   ...

師兄，我也很勞氣。最勞氣的，何止假大空與不盡不實。我最傷心的是汚染了，在香港正在茁壯成長的長跑運動。
長跑是老實的，跑到幾遠，跑了幾耐，童叟無欺，不容假大空。
愛跑者，兄弟爬山，各自修行，又互相尊重。對方跑出什麼模樣，都不會指指點點，反而勉勵一番。（外地跑手，可能都是一樣，但不清楚。不想學，有人未參加過本土賽，可以亂作批評。）各各賽事也類似，大家各有各做，甚少眨低別人，抬高自己。
愛跑作家村上春樹有句話，大意是：「愛跑者，只要一雙鞋與馬馬虎虎的路，就跑了。」⋯大師，佩服。主辦者，你明白嗎？愛跑者關心的，是跑得動嗎？跑得安全嗎？跑得健康嗎？長跑長有嗎？」打氣者，嘉年華，只是錦上添花。如果這些是必要的，哪會有人默默練習，花在練習的時間比比賽多很多。可惜你本末倒置，使未愛跑或未理解跑步的人誤會我們，比賽的成功，要在乎別人的支持，沖淡了自我的意志和決心。並不是說打氣有問題，但請不要放錯重點。
使未成熟的跑者，走進歪心的路。如果是慈愛的人，忍心嗎？

Hennatalk

donald_duck 發表於 2014-1-15 23:23
爬左咁耐文章，我覺得$480報名費係笑話啦，會報一定係early bird既$280，一係就唔玩，所以$480既報名費只係 ...

好奇問吓，師兄可選擇答唔答？師兄是否比較少參與本地賽事？因為渣馬是三橋三隧，但師兄卻説五隧—橋。
剛好知道師兄報了名。我都想了解吓，少參與本地賽事的人，可能比較容易接受這項活動，可以這樣假設嗎？

Hennatalk

donald_duck 發表於 2014-1-18 22:37
我係跑友，不過都報左，因為認同搞手理念，當然，事情會否如有些跑友所講，即本$230當比一次機會，呃哂都係 ...

不好意思，想講多兩句。我可能就是師兄所形容的傳統跑手。師兄所言，你認同這活動的理念，又鼓勵大家不再爭拗，用腳投票便可。
只不過，我察覺這活動有一個理念，就是：「自稱是看到各本土賽事（尤其是渣馬）很不濟，要扮作救主，於是大力矮化本地賽事（不管有無材料根據），批得狠便可。」（字眼很主觀，但這是我的體會。）
雖然師兄是講和諧，可能沒有感到這種不安，接受了它的理念。
也許我真是一個傳統跑者，因為我不想看到，新代跑者，覺得長跑是一項表演。没打氣，跑不動。沒人知，不想跑。賽道上，再容不下基層人士，沒錢別問了。

Hennatalk

adrianho 發表於 2014-1-20 19:22
我爬哂文，有以下意見︰
1) 一路以黎好多師兄提到渣馬冇氣氛，而家有人想改變出黎搞不一樣的比賽，咁係咪應 ...

1）如果祈福黨同你講 ，家裡少福氣。佢想改變，幫你攪個祈福，會支持佢嗎？比佢揾笨，都係一次，最多十萬八萬姐（師兄有點誤會，呢單嘢，我唔覺得會攪得好差，有打氣人，有演唱會，有嘉年華。可惜所謂好玩又如何？我不支持主辦者的做事手法，我無法相信他是真正愛跑，真心為香港跑友謀福祉。跑少一次賽事，冇所謂啦！條路咁特別咩！我不清楚，我唔熟路。相信過幾年會有全馬嗎？咁過幾年我再參加，4倍路程，如又是$280的話。（不過我估，佢真係想呃大家一次，攪得成，都天價。）

Hennatalk

adrianho 發表於 2014-1-20 19:22
我爬哂文，有以下意見︰
1) 一路以黎好多師兄提到渣馬冇氣氛，而家有人想改變出黎搞不一樣的比賽，咁係咪應 ...

第二點，恕我孩子氣，主辦者平時口氣咁大，現在看，志大才疏。怎能比謙謙的其他攪手們，有同等優待。
第三點，唔熟路，不予置評。
第四點，我同意一半，特殊馬拉松也不是42k，但呢個所謂街馬唔同，存心混淆視聽