|
各位早啦~~~
簡單報告下之前2次既跑步情況:
2月14日浪漫情人節 - 衝衝跳跳出汗大行動
後半part活動,大家在運動場內跟住batbat玩沖圈,我開始時都有跟架...
但跟住跑左幾廿步,在大家既步速加快後就已經跟唔上啦....
於是我就唔玩啦~~哈哈~~改番自己跑下圈就算....
tartar都係無耐就放棄跟沖圈啦....
要贊下迪迪同菲菲,迪迪好明顯係剪短左頭髮後有如神力加身,近排狀態好勇,3項鐵人格已呼之欲出.....而菲菲,雖然明顯在沖圈時氣力比迪迪差左少少,但她很努力地跟大隊跑左好耐,好有毅力!
晚上到大排檔食飯,又係人多到迫滿一圍,華華仲帶頭飲啤酒......
好開心,情人節一大班朋友在跑步及歡笑中度過~~~
20090215 - 試跑畢拉山15k
嘩............................果個畢拉山.....簡直攞我條貓命...
雖然話係15k....但好多斜,係好斜既斜....中後有跑山路,係行山時個d路...有沙石....個日好大霧,跑在山上好似係仙境甘..
到最後個程上山,我又肚餓又無力,已經要行上山啦.....好彩,在痛苦中有華Dee ching送上一條能量脆條,在無晒水既情況下都夾硬食左一條,頂住先...(多謝華Dee ching!!).....
15k我用了2:50才跑完,需時仲多過我渣打半馬2:10既記錄.....
個日我仲白白痴甘著左對美記spacer跑....後來回程時在車上同梁兄傾開,先知佢好"錫"佢d跑鞋,平時行街一定唔會著,因唔想d跑鞋快玩完.......
沖涼後馬上趕去祝捷會,謝謝ssp隊員幫我留位及夾定d素菜俾我^^
[ 本帖最後由 witchycatcat 於 2009-2-16 09:41 編輯 ] |
|