這次全馬, 我在比賽前的2個月左右開始訓練, 其實在毅行之後狀態回落了不少, 腳跟有傷患以致停跑兩星期
在19/12沙田半馬, 才是今年第一個超過20km的訓練, 之後己將全馬目標定為無傷無痛, 能跑畢全程已好满意了
除了逢星期六的長課, 自己練習都沒有系統, 無有interval, 只係周中間中跑10km tempo, 而且經常隨意減量
到比賽前都做過3次30km以上的長課, 所以對完成都有信心, 也時刻提醒自己放鬆心情 enjoy比賽
所以到比賽前几天都很平靜, 早一晚9:30pm己入睡, 覺睡到3:00am, 精神同身體狀態都很好
到上線前, 同一眾ssp街坊一齊, hehe haha, 全場最嘈吵的應算是我們
到起跑前, 我的gps仍然沒有signal, 結果第一次全馬全程都沒有record, 亦無pacing跟, 只是靠里數牌推斷自己pacing
一路上在腦中唱下詩歌, 沒有像平時check住自己pacing
頭10km太約1:01, 比自己預計的pace快了2分鐘, 而且中間有昂船大橋路段上斜, 感覺還不是太辛苦
之後出了長青隧道到青馬大橋, 一路望向對面線跟跑友打氣, 橋上很大風, 自己也覺得好像雙腿開始攰
可能上斜時無特別減速, 見自己好像比預計快了, 所以放鬆少少跑, 這時仲有schinix為我打氣
在出青馬時(約17-8km)食第一包gel
到20km用了 約2:03, 仍然比4:30目標快了几分鐘, 自己放慢了少少跑, 但這段比較多落斜所以時間沒有慢到
到25km出長青隧道時食第2包gel, 在荔景附近見到賭神背影, 原來佢當時已腳止勁痛, 跑得好辛苦
這一大段主要都是落斜, 跑得好舒服, 好快又到了30km, 時間約3:05, 仍然在目標之內
之後在奧運站附近遇見joejoe, 吹左几句, 到西隧前又見到長跑網打氣團millmill同卓卓, 即刻行近d擺晒post
在西隧內好多人加速落斜, 我只係保持均速, 之後見到個赤膊ching, 背面有條紅帶既?
自己慢慢貼近, 望下望佢, 嘩, 身材勁爆, 胸前兩個橙蕩下蕩下, 我無眼睇佢囉….轉身就加繼續前行.
到西隧上斜, 明顯覺得攰了, 只叫自己密密腳細細步跑, 放慢少少輕鬆d, 亦見自己應該可以達標, 好開心
出西隧之後的几條天橋, 去年跑半馬時都知唔易過, 但今次放鬆d跑, 過下一k, 過下又一k, 好像好快過了.
終於去到灣仔, 見到R嫂, 之後到了駱克道又有長跑網打氣團, 非常興奮
盡力跑完剩下1km, 最終大會時間4:22'3x衝線
時間都好满意, 但自己都唔算好搏命, 留返d空間俾自己下年攞返個進步獎先
official result:
大會時間: 4:22:40
個人時間: 4:21:41
10km: 1:01:16
半馬: 2:04:07
30km: 3:04:55
[ 本帖最後由 ~~菲菲~~ 於 2011-2-22 13:58 編輯 ] |