runrun – 隨心去「跑」

runrun

原帖由 nc 於 2009-3-9 01:03 發表

                               
登錄/註冊後可看大圖

runrun ctse, 記住不要報比賽了, 給對腳休息吓.  就用這段時間去唱唱歌, 玩其他未試過的活動, 享受其他樂趣 " />" />

我一直都唔識打麻雀，唔通趁呢半年去學？

runrun

原帖由 DDduck 於 2009-3-9 14:10 發表

                               
登錄/註冊後可看大圖

Hi run run, 我就係呀邊個邊個喇! 真係咁啱lunch時間路過咋! 既然你要多謝我地, 咁我就代表大家答謝番你, 全靠你…我地至有藉口出來玩, 不過啲老骨頭依依散散地! 真係唱K攰過跑5.5K! 我多數留意本 ...

Hi ! DDduck，你估唔到我顛顛得得，咁又去學人話寫文章喎！
唔怪得知D出版商成日話好書難求喇！
要柴台就靜靜雞得我地兩個嗰陣時先好呀！

[ 本帖最後由 runrun 於 2009-3-10 02:35 編輯 ]

runrun

今日雙腳似乎差了點，兩邊膝頭連行都有点痛，
昨晚己經再努力鬆筋，大腿後面的肌肉仍然有些緊，
本來今晚打算去做gym都取消了，留下在office
繼續工作，老細要我們每個人都對自己做SWOT analysis，
今日就是deadline。
唔通我寫我的 S(strength)是很熱愛跑步；
                     W(weakness)是跑得唔夠好，要花多点時間去練習；
                     O(opportunity)是很多跑步比賽等我去參加；
                     T(threat)是現在受傷了唔跑得，連由3樓office
                                      到10樓班房之來回都一定要花時間搭電梯，
                                      唔可以好似以前咁飛奔於樓梯間上落；
唔知咁寫會點樣處置我呢？
我又唔想做全職跑手住喎！


[ 本帖最後由 runrun 於 2009-3-12 12:20 編輯 ]

runrun

原帖由 sapigeon 於 2009-3-11 23:11 發表

                               
登錄/註冊後可看大圖

Hi Run Run,

忍耐四至六個月吧 ! 等傷全好才再慢慢復操吧 !!

2005 年受傷后我都要休了足足七八個月才能復跑, 但今年已可在半馬及全馬 PB !!

忍住及做其他足部非striking運動, 例如游泳等等 !!

Sapigeon

多謝Sapigeon師兄，定當緊記你的忠告及教勉！

runrun

原帖由 slowrunner 於 2009-3-10 18:06 發表

                               
登錄/註冊後可看大圖

承runrun吩咐亂寫狗屁跑步詩(一)之觀察跑友有感


日奔夜跑似練仙  還有踩車兼做尖
難得幾回揸流攤  冀成快馬要加鞭
傷患困擾苦無奈  幸有跑友常勵勉
沉得住氣方為上  重點出擊待來年

拿拿兄，真的文采非凡！
"尖" =gym 都比你諗得出，中、英文都能融滙貫通，勁！
說真的，小女子又點敢「吩咐」你做嘢呀？想死咩！

雖傷患困擾，但幸得各跑友時常勉勵，定當儘力爭取痊癒。

上星期六的Beer Dash 及星期日的綠色健康跑，我都已經揸流灘的了，
但這幾天膝痛又似乎多了，今晚放工追架89D只追了三、四＋米，便馬上感覺有点痛，
傷患經常反反覆覆、時好時壞，最是令人沮喪。

拿拿兄，現回你一詞，詞借李清照〝聲聲慢〞，詞中意思正好寫我現時的心情。

跑跑停停，痛痛悲悲，淒淒慘慘戚戚。
乍暖還寒時候，無奈休息。
縱已醫護連連，怎敵膝痛入心痱？
無力跑，正傷心，卻是舊時相識。
滿地跑鞋堆積，憔悴損，如今有誰知悉？
守著窗兒獨自，怎生得黑？
梅子林內細雨，到黄昏、點點滴滴。
到如今，怎一個愁字了得！

[ 本帖最後由 runrun 於 2009-3-12 00:42 編輯 ]

runrun

原帖由 schnix 於 2009-3-11 23:54 發表

                               
登錄/註冊後可看大圖

runrun ctse, 星期五會黎邪神班練下體能嗎?
到時應該有d 適合既動作可以做的

應該會去，但趕不及7:00pm，你們練住先。

runrun

原帖由 ee_tpk 於 2009-3-12 09:45 發表

                               
登錄/註冊後可看大圖

"尖"一字.. 在其他討論區深入民心... 拿拿兄能夠追上網絡上的潮話
可見其非常容易接受新事物.. 趕上潮流之大人物~

p.s. 傷患經常反反覆覆、時好時壞，最是令人沮喪。
正是小妹心聲... 正努力配合治療 ...

約 5至６天，或一星期一次，你呢？

runrun

原帖由 上水馬王 於 2009-3-12 18:48 發表

                               
登錄/註冊後可看大圖

期待亞偉的故事續集...

我仲以為冇乜人有興趣睇添，
如果有，就會儘快的了。

runrun

原帖由 slowrunner 於 2009-3-12 13:44 發表

                               
登錄/註冊後可看大圖

謝謝師姐「回我一詞」。 情影並茂愁思漓漫，使讀者神傷，聞者抽筋，跑者跑爆...(一笑)

其實你並不孤單，好多師兄姐同你一樣，正在養傷，這或許是修成正果的必經路，也正好說明馬拉松精神之難能可貴。

我的 ...

咁你有冇抽筋同跑爆呀？

我都係唔識得詩律，首詞其實我都係亂嚟，完成後都覺得有点兒好笑，尤其是嗰句「滿地跑鞋堆積」，不過冇所謂喇，我都係隨心去作、隨意去改，總之隨心隨意，悠然自得，一樂也！

跑步於我是減壓，現在跑不得，惟有寄情寫一些看了都會令自已發笑的東西，舒緩情緒。
有靈感時，就來呼應一下吧！


[ 本帖最後由 runrun 於 2009-3-13 10:51 編輯 ]

runrun

原帖由 schnix 於 2009-3-11 23:54 發表

                               
登錄/註冊後可看大圖

runrun ctse, 星期五會黎邪神班練下體能嗎?
到時應該有d 適合既動作可以做的

Schnix, 唔好意思呀！
上星期五我要差不多七時才可以離開office，
估計過到跑馬地都要八時多，所以便放棄來了，
改了去做gym。
可否遲些教翻我嗰晚所學的動作？
謝謝！

runrun

原帖由 schnix 於 2009-3-16 12:28 發表

                               
登錄/註冊後可看大圖

個晚仲以為你會遲D 到添
沒問題呀, 星期六見面再同你解釋下點做啦, 主要係做腰, 腹, 唔會影響膝蓋, 好岩你做架." />" />

認真唔該哂你了！

runrun

因為本身是香港理大校友，去年大約11月時，理大為
跑渣打馬拉松的學生、職員和校友舉辨了第一次的
PoyU Running Squad，為參加者舉辦專題講座
及一星期兩次的訓練課程，教練就是在(Pg.4 #post 69 )
「看不見、跑得到」一文中的西裝哥哥。

能夠完成所報組別的賽程就可以獲得資助參賽費用的一半，
我參加了，不盡是為了希望得回資助參賽費，最重要是
為了對母校的一份感情，我最開心難忘的學習生涯都是
在理大 渡過，我在理大校友報到區中亦曾訴說。

在上星期，很訝意收到電郵通知我得到了全馬女子校友組
的季軍，16/3今晚在理大的職員餐廳舉行頒獎典禮及聚飧；
我當然一定參予。

當初沒有想到這個頒獎典禮的氣氛會如此熱鬧愉快，很多即使
沒有得獎的參加者都特意到來參與，即使互不相識都因着
大家有共同的興趣及話題而說個不亦樂乎。
現任的理大校長亦有全程出席，除了負責頒獎和抽獎外，還與
各參加者言談甚歡，鼓勵大家再接再勵。

我驚喜的是所有獎杯都刻有得獎者的名字和時間，這對得獎者
絕對是最佳的尊重和紀念，我將會珍而重之的去保存這一
個獎杯，雖然刻上的時間成績並不是我所滿意，但這獎杯卻
盛載着我曾付出過的血汗和眼淚；我希望lingling師姐能看到此文，
不要去計算如何可以用最少的付出去得到收獲，因為你不會獲得
辛苦努力過程中始能得到的喜悅；我最終的成績雖然不好，遠遠
距離自己之前訂下的目標，但我仍為自己的成績感到驕傲和高興，
因我尊重馬拉松的長跑精神，我更尊重自己是一名馬拉松賽事
的參加者，我為自己曾付出過的每分努力、每滴汘水而感到光榮。

望着眼前的獎杯，我心中對自己作出承諾，如果我的脚傷能痊癒，
明年還可以跑馬拉松的話，我會認真的、審慎地去安排系统的訓練，
如果有幸讓我再得獎杯，杯上刻著的時間一定是我要滿意的！

希望lingling師姐不要介意，我是一個直話直說的人。



[ 本帖最後由 runrun 於 2009-3-17 10:10 編輯 ]

runrun

原帖由 ee_tpk 於 2009-3-17 00:15 發表

                               
登錄/註冊後可看大圖

隻杯有無相睇丫 ? (但如果 post 上來果陣記得遮0左你個名佢丫~ )" />" />" />" />

獎杯如下( ee, 我諗唔需要遮住我個名喇，要起我個底容乜易吖 )：

登錄/註冊後可看大圖

runrun

原帖由 cookie97 於 2009-3-17 10:30 發表

                               
登錄/註冊後可看大圖

恭喜哂runrun ctse，獎盃只是一種紀念，但享受參賽的過程是較重要....
見到你赴傷參加今次的渣打，那種對跑步的堅持是我暫時還未有的...

其實這堅持是有點不理智，無奈我有自己一本難念的經，
所以都是選擇兵行險仗踏上賽道上去。

無謂學我喎！反面教材！

runrun

原帖由 Parco爸 於 2009-3-17 16:36 發表

                               
登錄/註冊後可看大圖

唔好意思..男人老狗的我...又走左入來看看..
runrun姐...期望妳能盡快回勇..繼續跑下去...加油.加油

Parco 爸，依到無性別歧視喎，
歡迎你多多入來看看，
多謝你為我打氣，我會加油的了！

runrun

原帖由 cc 於 2009-3-17 17:03 發表

                               
登錄/註冊後可看大圖

runrun ctse真係一個超強意志ge人~但是...ctse記得有時都要識得多想一步丫~

cc, 跟你分享村上春樹「關於跑步....」一書中的其中幾句：
「有時候有人會說我意志好堅强。......不過我想，任何事情都應該不只是意志堅强就能辦到的。
    世間並沒有這麽單純。pg.55-56」

多謝你的關心及提点，我是明白的。


[ 本帖最後由 runrun 於 2009-3-18 11:00 編輯 ]

runrun

原帖由 kcchu 於 2009-3-17 23:25 發表

                               
登錄/註冊後可看大圖

Runrun ctse, 恭喜你得獎, 我都有參加今年的Running Squad, 我覺得今年都算攪得唔錯, 有training course, 有briefing, 件衫又靚, 跑完仲有條汗巾係終點送, 仲有得claim 番一半參加費.
雖然我未在理大讀過書, 但 ...

Chu CHing，如果知道你那天晚上的Running Squad聚餐也有出席的話，
一定跟你打個招呼。我因時間不合，都沒有參加其中的training course，
知道明年Running Squad都會繼續搞，我一定都要儘量參與了。
差点忘記恭喜您！

runrun

原帖由 emma 於 2009-3-18 00:44 發表

                               
登錄/註冊後可看大圖

r
嘩~~~~~~~~~~~~~~~~~~~~~~~runrun ctse你好勁呀
又一次唔願訓睇長跑網, 感覺 run run ctse很真性情,
兩眼昏花地睇左兩篇, 不過一點了, 好應該訓啦... 但我好想講句, 謝謝分享哦!

Emma, 唔好咁夜瞓啊！運動的人應該早睡早起的。
嘻嘻！不過我都係好夜才去瞓，噚晚一点幾睇到你個post，
但眼睛已經唔聽話，無法即時覆你了。

我應該是在星期五晚跑馬地邪神師兄第一次的訓練班見過你的吧！是嗎？
不過，上星期五我去不到，因收工後由九龍灣趕過去跑馬地都幾遠，
我去到你們都差不多收工了。今個星期五要上深圳工作，應該更趕唔切
嚟，下次到的話，再跟你傾吧！

runrun

原帖由 dannylun 於 2009-3-18 09:24 發表

                               
登錄/註冊後可看大圖

恭喜恭喜！祝早日康復，再戰賽場。

多謝！我會儘快讓自己康復，賽場上再見！

runrun

原帖由 上水馬王 於 2009-3-17 20:27 發表

                               
登錄/註冊後可看大圖

runrun師姐，proud of you！" />" />

呀！馬王兄，差点漏了你，我沒有什麽好proud of 的，
每個人的性格決定了他處事的手法。