清晨5點鐘房間的電話響起,
傳來賓館職員的動聽聲音, 原來係"morning call", 之前一晚已經執定行李包及扣好晶片號碼布,
故10點幾已經安心上床瞓覺, 咁早起身冇乜好做決定瞓多半啦鐘, 搭正6點上餐廳食豐富早餐, 然後上大會安排巴士直底比賽場地, 大會提供專用更衣室比我他班"烏俠…
熱身時間陽光已經極度晒, 好在上星期做了兩次正午時的23公里長課, 相信完成冇問題但唔會走到好時間, 所以我今次戰略係留前鬥後保留體力, 由於全馬比賽只有500多人參加, 故無須要爭取排好位起步, 及可以容許我在人群中鑽來鑽去, 找尋熟識的國內跑友, 其實不用週圍找, 已經有"跑吧"跑友主動過嚟相認打招呼, (都係拜長跑網件"跑衫"犀利及暴光率高) 前半程頭20公里用咗2小時完成, 途中有約10km同power及chanbb兩位師兄一齊跑,
沿途有大量"東營"市民熱烈地為跑手加油打氣, 半程折返點有大量民眾為你拍手吶喊及擊掌, 更有幾處地方有團隊打鑼打鼓助長聲勢, 全程水站補給及治療站非常之充足, 由於陽光猛烈半程過後有很多跑手步行, 部份跑手更加索性留在天橋底下乘涼休息,
每經水站除了飲水之外用水淋頭係指定動作,
最後幾公里終點前大直路被強風迎面吹襲, 在逆風情況下我要灣底腰移前重心就如上大"斜佬"一樣, 跑"斜佬"係我的強項在這情況之下越過了多位跑手, 最後以4小時09分完成今次山東之旅!
[ 本帖最後由 leefs 於 2009-5-29 00:55 編輯 ] |