我第一次感受到跑步的樂趣!

Carey

我09年4月頭開始練跑, 即是半個月跑齡.

其實自小已經不太喜歡跑步, 除左小學被Miss捉入田徑隊, 偶然參加400m同800m比賽.
中學時期熱愛游水, 為左練氣同增加柔軟度, 偶然去公園練跑同拉筋.

之後發覺身邊好多朋友都有參加SC10k, 有D羨慕,
朋友都約我一齊去跑10K, 總以膝關節痛為藉口推辭.

近一兩年熱愛行山同打羽毛球.
3月尾一次唔小心答應左一個行山友玩9K混合賽, 望清楚原來係馬路及山路混合, 唔係男女混合! 賽會規定參加者係1:30以內完成.
我知道一定要練習先可以完成今次賽事, 4月尾就係, 時間無多, 我於是坐言起行走去練跑.

第一次真係幾辛苦, 跑左唔夠3分鐘就想停, 不過我一路跑一路同自己講: 喂, 努力D, 堅持! 一定得既, 至少跑到太和站!      挨下挨下, 跑左20分鐘終於到達目的地.
隔左2日又出動, 都係好辛苦, 再隔2日, 又去練.

尋晚第4次練跑, 嘩! 感覺截然不同!
我由大埔海濱開始, 一心要跑出吐露港, 原本計劃跑到小白鷺對出就折返,
點知越跑越唔想停, 一路跑到科學園先返轉頭, 跟住就擔心自己夠唔夠力返去,
結果用左個幾鐘頭跑左一個來回, 大約13K, 好興奮!

我而家好鍾意用自己對腳跑去自己鍾意既地方, 果種感覺無可言比.
終於明白點解各位師兄師姐咁鍾意周街跑