一星期跑80K 好難..

苯蕉

我係新手,今年初先開始跑,或者我都係度講講我的體驗.
我每次係電視睇到人地跑馬拉松都好羡慕,加上步入四十多,開始感覺體能下降,今年初決定開始去跑步鍛鍊,自己定下目標,希望係明年可以跑到十公里賽事,好多人都話十公里基本上你有對腳都可以完成,千萬唔好被呢D訊息令到自己覺得好無用,我自己又食煙,又耐無做運動,最初只能跑運動場四個圈.
一個星期平均跑四晚,由最初四個圈到上兩個星期,終於能嘗試到跑二十五個圈,即係十公里,時間當然不太理想,要一小時多少少,但可能太急進,之後病左幾日,昨晚先可以去跑返,都係跑返十三個圈先,慢慢再增加圈數.
時間安排問題,我相信係大多數香港人問題,好似我,日頭六點幾起身返工,夜晚返到屋企食完飯都差不多八點,休息個多小時後就去跑步,要係日常生活小節上作出改動,但每人都有廿四小時,在乎你點取捨,從廿四小時內抽出一個小時,我想總有辨法,我會選擇平日不看電視,星期六休息唔跑,星期日先跑長課.
畢竟只係業餘跑步者,作出合適自己時間安排及體力負荷的鍛鍊先係最健康之道,我想跑步最終目的都係想身體健康,否則本末倒置.

苯蕉

原帖由 blurmax 於 2009-5-14 13:32 發表

                               
登錄/註冊後可看大圖

Silly banana,

Agree with your point of view, but suggest you to quit smoking first wor.  Smoking is 100% bad to your health mah.

都食左廿年,好難話戒就戒,但而家都只係返工先食,放工後及放假都唔食,打工仔,一句食返支煙先係蛇王好借口嘛,可以休息一陣,無符,壞習慣.
但講開又講,跑步後又會加大決心唔食,因為會同跑步原意相沖突,無理由咁有恒心去為左自己健康每晚去跑步,調轉頭就走去食煙破壞返,同埋會覺得,戒左煙對跑步成績一定會有幫助.
應該今年會搣甩佢,同D脂肪一樣,消失 THANKS!!