請問我bmi28跑唔跑得?

allanccl

原帖由 see2005 於 2009-9-26 01:34 發表

                               
登錄/註冊後可看大圖

請問我bmi28跑唔跑得?我可以慢跑30min到,咁跑定急行減多d先?
同埋我想問下要點樣練氣?
唔該各位師兄師姐

小弟認為BMI 28都可以跑的，只要跑完對腳無痛就得囉，身體咁重，一野一野咁壓落d關節好似膝頭哥的位置，跑幾天一痛就棄權了。

allanccl

回想兩年幾前六月的某一日，小弟和幾個朋友行山，圍船灣淡水湖一圈，當日非常熱，小弟身形肥大，行了三個零鐘，眼看十幾個朋友行快過小弟兩三個山頭，心急想追番前，點知手同腳都唔聽使，舉步乏力，手腳冰冷及震，頭又有點暈下暈下咁，好辛苦，自己學過急救，察覺到是中暑既先兆..... 熱衰竭，好彩身旁還有一友人，我同佢講：文哥我唔掂呀，跟住自己找陰頂，個度全是矮樹仔，找不到， 唯有將自己個頭塞入矮樹腳d窿度，用自己個背囊墊高個PatPat ，我朋友給寶X力、清水我飲，又俾得力素糖我食，休息15 分鐘後，其他所有朋友十幾人都回來了，於是全部人徹退。回家後第二天去看醫生(政府醫生，姓林，後來知佢信佛的) 做個身體檢查，點知佢話：你都幾好彩喎，咁都無死到，不過遲早中風死啦，死之前仲可能半身不遂添，跟據你家庭病史，你父母都係中風死的，你又係中間肥胖果隻，所以你應該都會係；聽到真係晴天霹靂，於是問個醫生可以點樣避？佢話減肥啦，我寫紙你拿去護士房就得啦；入到護士房，佢一d 都唔客氣咁話：除鞋企上過磅，一磅竟然係160 磅，坐低量血壓等等之後，佢給我一張爛紙(用手衊出黎既) 寫上我的身高體重同BMI ：28 ，跟住話醫生要你減肥喎，要減30 磅，我問佢洗唔洗食葯，唔食葯點減到咁多，佢話減油鹽糖就得架啦；佢講就輕鬆，我都唔知點減，無理佢，去了英國玩了大半個月，大吃大喝，番香港之後自己唔敢磅重(我估可能已經達170磅)，2007年7月15日一番工就被人調走左，要日日返工，學人跑步減肥，也是每日跑半小時，唔夠一個星期，對膝頭痛到叫救命，就想放棄了。

allanccl

想睇埋落去？
等年刊一出就看到。Sorry! 要賣下關子。
不過會PM see2005師兄分享埋d經驗。

allanccl

唉! 唔係膝頭哥痛就腳板，總之就係痛痛痛，小弟建議急行先，減磅減得咁尚下等對腳無咁大壓力才跑，要買d避震好既跑鞋.........
千祈唔好跑傷對腳。

allanccl

niki air 的鞋一般都唔錯，新鞋時d避震非常好，不過要留意著耐左，個避震唔覺唔覺就無左，個氣囊會爆的，爆左就變成無避震，尤其係身重的人穿著，較易爆氣囊，閣下請多加留意。

allanccl

原帖由 see2005 於 2009-9-27 19:47 發表

                               
登錄/註冊後可看大圖

唔該晒c兄,我成功左一定post返自己經驗上黎

祝你成功!

allanccl

原帖由 see2005 於 2009-9-27 19:48 發表

                               
登錄/註冊後可看大圖

最後一問,應該食完飯幾耐可以跑?同埋跑完幾耐先食野?

小弟無乜計呢方面，我通常係一早跑步，跑步後回家沖完涼就食早餐，都無乜時間俾我等幾耐才食，其實小弟覺得唔係隔幾耐既問題，而係食物既質素，小弟的早餐很簡單，用滾水沖即食麥片一湯碗，什麼都唔落，想食甜就落十零粒提子乾，食咸就落十零粒杏乾或果仁，唔會落油鹽糖；加一個提子飽(或半個大麥飽)，咁就好飽，唔再食其他零食。有時會用自己煲既無糖渣咋或粟米粒代替麥片。
午餐同晚餐盡量係自己煮，經常出街食係好難減肥的，小弟減肥時係自己煮同埋用飯壺帶飯(可能唔係飯)。小弟煮最飽肚最有營養的餐給自己食，就係烚意粉或通心粉或螺絲粉等等用麥造的碳水化合物，護士話最營養同飽肚又唔會咁快消化及肚餓，意粉烚好就撈上碟或碗，不用過冷河，更不可再用油炒，小弟較喜歡湯意粉；之後煮 食送 ，小弟會依從食物一二三，即係一份肉(4兩全瘦豬肉/瘦牛肉)，兩份蔬菜(半斤菜/荷荳/什豆/番茄/洋蔥等等)，三份碳水化合物(烚意粉或通心粉或螺絲粉等)小弟大食所以係一大湯碗，閣下如果夠飽可減為一飯碗。
如果不能避免出街食，多拿一個碗及熱水，d菜要用水過下才食，可減油及鹽。盡量唔出街食。要在麥記，K記及任何快餐店門口畫一條紅線，唔准入!!!!!油炸野唔食，任何反式脂肪、植物脂肪，飽和脂肪都唔食；除左水，唔好飲罐裝包裝飲品，低糖無糖都唔好飲。
如果能夠實行食用這些營養餐，保証一定成功減肥，有幾個小弟的朋友都能成功減肥，佢地都無反彈，仲愛上跑步添。

allanccl

原帖由 somethinglikeme 於 2009-9-28 09:58 發表

                               
登錄/註冊後可看大圖

allanccl  兄,
在某post中從手臂位推算出你身形頗FIRM,
減肥成功外身形方面有刻意塑造嗎?
請問你在減肥過程中是只有以跑步作運動.
還是另外有作其他運動如重力訓練呢?

小弟只係喜歡跑步，無做其他重力訓練(唔捨得出錢去做gym)，閣下誇獎了!

allanccl

原帖由 e.c. 於 2009-9-28 10:55 發表

                               
登錄/註冊後可看大圖

T_T 亮兄... 好想睇埋你d經驗呀

好啦，見妳都食到唔少雪糕，PM給妳，優先分享，全部係真實經驗黎架!

allanccl

原帖由 wlau 於 2009-9-28 20:32 發表

                               
登錄/註冊後可看大圖

嚇得我, 以為亮哥你有咁既經歷

那是小弟的真實經驗，那一次之後有死過翻生既感覺，亦都係因為咁先的起心肝減肥；所以最近毅行操山，小弟總是押尾，目的係留意隊友有無熱衰竭既跡像，將自己的經驗幫隊友預防中暑。

allanccl

原帖由 e.c. 於 2009-9-29 10:18 發表

                               
登錄/註冊後可看大圖

見過真人, 同佢之前張相, 真係估唔到係同一個人黎. 亮哥真係keep得好成功呀
仲有, 估唔到減肥後都仲可以食到咁多雪糕. 我成日以為當你減到咁, 胃口細得多, 應該食唔到幾多雪糕. 但見亮哥食到咁多雪糕, 證明你真係 ...

妳都得的，等緊睇妳減肥後個樣，一齊為健康、為減肥努力! 加油!