趕狗器 驅狗器

wewahaha

"唔知會唔會激發起一d更加凶狠既攻擊你呢"
hahaha，好搞笑
一樣米養百樣人，我諗狗都一樣
有欺善怕惡既狗，我諗都會有好勇鬥狠既癲狗
目露兇光大叫大喝嚇狗時，請留意係咪癲狗

以前有行山人仕教如果比狗吠，離遠既就放慢腳步，
小心些少就係附近執定舊石隨時保護自己，
慢慢跑離狗既地盤，但要留意狗既一舉一動，
一襲擊你就用石頭還擊，愛護動物人仕例外。

佢地教唔好眼望望兇隻狗，因為你唔知隻狗既性格，
本來諗住只係保護地盤吠你兇你，你走你既陽關路，
我走我既獨木橋，但你不懷好意眼望望，
再大呼大喝，隨時變左想攻擊你，咁就戴高樂。

wewahaha

hahaha
Vrindavan跑咁快都驚，何況我地呢班跑咁慢既消閒跑手。

wewahaha

Not laugh you la
我都想好似你咁著白飯魚跑新娘潭條路，
仲要跑得咁快，真係羡慕死人，
不過應該冇乜可能，留返比下世試。

wewahaha

人地高手又點同，以前係某forum聽高手講著白飯魚跑，
心諗係真唔係呀，又走斜又落斜，點知真係咁跑，嚇鬼死。

另外聽講某某女中豪傑，細細個就通山走，由細走到大，
我諗果陣佢都係著白飯魚跑卦，諗諗下如果搞場白飯魚大
賽，佢真係win梗，雖則唔咁玩佢都一定名列前矛。