陽光燦爛的日子

馬仔

小女子跑著半年多，希望可以一直跑落去，越跑越健康，越跑快樂！越跑越靚女！（哈哈，唔知有冇可能呢？）
最近有幸認識一良師，跟住跑著十幾課，做著些簡單記錄，係呢度同大家分享吓！

[ 本帖最後由 馬仔 於 2009-7-7 19:56 編輯 ]

馬仔

2009年5月26日        星期二       吐露港
跑了差不多有半年多，不正確的跑姿，跑得太多，休息的太少，不太合適的訓練課程，身體終於開始出現不良反應，偶而會頭暈，精神疲憊，左側臀大肌持續疼痛，股四頭肌僵硬……知道不可以再凭著死力跑下去，開始尋找合適的跑會，希望得到一些正確的長跑知識及訓練方法
先做2公里熱身，跟住5個300（1分18秒）加5個200（48秒），最後1公里cool down，拉筋，結束今日的訓練。輕鬆舒服，又是一個全新的開始！

[ 本帖最後由 馬仔 於 2009-7-30 09:08 編輯 ]

馬仔

2009年6月7日    星期日    吐露港

今日跑吐露港，由大埔元洲仔公園—科學園，來回約8公里。
開始4公里跑得好辛苦，開完通宵，熱身唔夠，腳又痛，沿途人又多，又忍唔住望吓風景……太多嘢分散d注意力……哈哈！搞到我跑到上氣不接下氣，就來斷氣咁制！

其實我都唔知自己跑唔跑到，但係心裡卻諗住一定要捱落去（放棄過一次，唔可以有第二次）。

結果終於都俾我捱完全程，都幾辛苦吓，雖然全程冇計時，但我知道今日的速度之前從未做過。知道自己可以跑好d，辛苦都值得！

[ 本帖最後由 馬仔 於 2009-7-30 09:09 編輯 ]

馬仔

2009年6月8日   星期一    吐露港

星期日因為熱身唔足夠，攪到自己鬼咁辛苦！
今日我醒目，早著半小時到，熱定身先
呢幾次主要都係針對6月14日ge比賽（元朗區青年節長跑賽，全程8公里），星期日練著耐力，今日練速度加耐力。

先做一個3公里，開始1.5公里跑得比較保守，回程時逐漸加速，仲有約500米時開始發力再加速。時間係14'47"

休息5分鐘，再做一個2公里，開始落雨。頭1公里跑得唔好，後1公里加速，想追番的時間，時間都ok！9'40"

休息5分鐘，最後做一個1公里，用全力放鬆跑。時間4'47"

今日跑著6公里，平均速度在5分鐘內，己經係我呢半年最好的時間！繼續努力！

[ 本帖最後由 馬仔 於 2009-7-30 09:11 編輯 ]

馬仔

2009年6月11日   星期四    吐露港
今天是比賽前的最後一課，原計劃是要練400米速度，但係只脚仲係痛，所以改練300米加200米速度。
—— 4個 500緩跑+300加速 1'16"/ 1'21"
—— 4個 200緩跑+200加速 48" / 50"
—— 2個 1500 自由跑    1'07'' / 1km

明天去元朗大球場取號碼布及晶片，作最後比賽前準備。
因為脚傷，對呢次比賽冇咩期望，但係都會努力去跑！

[ 本帖最後由 馬仔 於 2009-7-30 09:11 編輯 ]

馬仔

2009年6月14日     星期日    濕地公園路

今天全程都跑得好辛苦，一是腳傷未癒，二是天氣（90%的濕度），三是不熟悉賽道再加上自身的訓練也并不足夠。43"12"完成8公里賽事，女子E組第十名。

[ 本帖最後由 馬仔 於 2009-6-30 06:37 編輯 ]

馬仔

2009年6月15日    星期一    吐露港
今日做賽後恢復，
今日隨意跑……但係今日真係唔掂……好倦啊！
最終跑著約2公里都係放棄。

[ 本帖最後由 馬仔 於 2009-7-30 09:12 編輯 ]

馬仔

2009年6月17日     星期三     大埔道
大埔道學跑上斜同埋落斜。
利用100米的上斜調整跑姿和節奏，來回做著約20個。抬腿，前脚掌落地，後蹬等技術都有所改善，唯是雙臂的摆動仲係不得要領，每次跑完，雙肩都好倦…痛苦！
最後是1公里cool down，即時感覺到頭先學到的技巧對於跑平路有好大帮助，有節奏同埋知道抬腿後蹬借力，無意中速度快。

[ 本帖最後由 馬仔 於 2009-7-30 09:14 編輯 ]

馬仔

2009年6月18日      星期四    太和運動塲
今天原計劃係跟馳騁去行山ge，真係好耐有出隊，好懷念過去瘋癲快樂的日子！

但係最近迷上著跑步，有d走火入魔，停唔到落來……真係停唔到！一日唔跑個心都唔舒服。所以最後都係決定放棄行山去跑步。

今日跑太和運動場，熱身後跟住D師兄沖圈，做著3個400米，5個300米，5個200米。冇計時，只是盡力去跑。

跑姿總係唔掂，雙臂ge摆動僵硬唔自然，提腿唔夠高…唉…都跟著10堂la，總係冇麼改善，真係蠢！死蠢！


睇來要更加勤力練習先得！！

[ 本帖最後由 馬仔 於 2009-7-30 09:14 編輯 ]

馬仔

2009年6月20   星期六    太和運動塲
今日好熱，去到太和運動場已經一身汗

今日速度訓練

800 x 2   3'40''

600 x 2   2'40''

400 x 3   1'40''

300 x 3   1'14''



長跑一是速度，二是耐力，三是速度加耐力！

加油！加油！

[ 本帖最後由 馬仔 於 2009-7-30 09:15 編輯 ]

馬仔

2009年6月22日     星期一    吐露港

今日天氣比較悶熱，又捱著一晚夜，身體狀況并不理想，有少少wing wing 地……

自己跑著2公里作為熱身，然後向著科學园方向跑出去，來回約跑著7公里，冇計時。跑得唔好，仲未有自ge步頻和節奏，呼吸也不能配合，一d都做唔到速度，雖然可以勉強完成今日功課，但人就好倦（想跑多少少都唔得）。

最後以一個短距離加速作為cool down，２０米慢跑起步，４０米加速，６０米處收步。這種練習可即時拉鬆緊繃的肌肉，好有效，原本跑完７公里好倦，做完幾組後，個人即時舒服著好多，輕鬆著。

其實跑步一d都唔簡單，需要學習改善的地方還有很多。

[ 本帖最後由 馬仔 於 2009-7-30 09:16 編輯 ]

馬仔

2009年6月23日  星期二     大埔海濱公園
今天做技術訓練，跑上斜和下斜，主要是針對速度和抬腿的技巧。

可以奔跑的時候，就是陽光燦爛的日子！

[ 本帖最後由 馬仔 於 2009-7-30 09:17 編輯 ]

馬仔

今日係公司俾同事話我“長短腳”，真係激鬼死我啊！
只不過只腳仲有少少痛，要就住來行姐……

馬仔

2009年6月25日   星期四    吐露港
今日好輕鬆（因為只腳仲係痛），只係跑吓斜路練吓力，拉吓筋，調整吓跑姿。

馬仔

其實我都有d擔心，因為痛著都有成3個月，一直未能完全康復
依家開始唔練速度住，只練姿勢同埋耐力，希望可以快d好番！

馬仔

吐露港輕鬆10公里，舒服！

馬仔

2009年6月29日  吐露港
1公里  warm up
900米    4'07''（睇錯終點， 跑少咗100米，哈哈！真係烏龍！）
第一個   1公里    4'30''
第二個   1公里    4'49''
第一個   500米   2'16''
第二個   500米   2'15''
第三個   500米   2'20''
第四個   500米  2'20''
2公里  cool down
加加埋埋都有8公里，搞掂！
返屋企食猪腳，補番d力先……

[ 本帖最後由 馬仔 於 2009-6-29 21:34 編輯 ]

馬仔

2009年6月30日  元朗大球場
今日只係輕鬆跑吓，主要想調整吓跑姿同埋同d師兄吹吓水，八吓呢排有咩搞！（有時都覺得自己好八婆 ）
跑到依家d跑姿都仲係唔掂，成日都彈吓彈吓，又唔識摆臂…摆得好唔自然
都唔知點算？痛苦！

跑跑吓，都係忍唔住跟著師兄走咗2個400
1'38''/1'40''，好似快過以前！哈哈！有進步！

[ 本帖最後由 馬仔 於 2009-6-30 23:56 編輯 ]

馬仔

2009年7月1日  
7點15分去到大埔運動塲，哈！封塲woo，轉跑吐露港

（跑姿對我真係好大困擾！但又急唔來，唯有慢慢調整la……）
冇麼跑到，加埋都係3公里到，決定下午去元朗大球場補數

[ 本帖最後由 馬仔 於 2009-7-30 09:17 編輯 ]

馬仔

點知，元朗大球場有活動又係封埸…被逼返屋企做“馬路天使”
7點30分錦上路上村公園起步，沿住公路一直跑，到吳家村後轉右，跑約500米到，入石岗機場路回程
8點15分到石岗機場路終點，搞掂收工！我諗冇10公里都有8公里挂！加埋今日朝早3公里，全日都有11公里，OK啦！
（小插曲：石岗機場路有一段完冇路燈，沿途一個人都冇，真係有點怕怕！ 但係俾我見到好多螢火蟲，好得意！好靚！開心！

                               
登錄/註冊後可看大圖

）