洗單車鏈, 飛輪, 前後轉波位置

魚蛋明

師兄們
我本身踩開單車，希望我既經驗可以幫到你地

首先講下鏈油
睇下自己有咩需求
究竟要乾淨定係要順

要乾淨既話可以用臘性既鏈油
係會好乾淨，不過事實係唔夠潤
唔係要每次出車都要加油咁簡單，而係我覺得踩到中途都要加
如果唔怕油跡其實用汽車偈油都ok，平同潤過單車鏈油

回應返個標題，其實要保持清潔係好簡單既事
只要每次出完車，用舊布抹走鏈上既垃圾(沙塵)
波腳個轆仔都一樣係咁樣攪
飛輪方面就攝塊布落去好似用牙線拉下拉下就ok
定期落返D潤滑油，保持條鏈既濕潤就ok

定期做下保養，到比賽完或者打完水戰咪同佢清潔得仔細D囉
好似我地D牙齒咁
你可以每日只係刷牙，又可以用牙線，再用埋溂口水又得
咁係唔係做完呢D野，我地就唔洗去睇牙醫呢？
自己有幾多時間，心機就做幾多野囉

魚蛋明

唔好意思啊師兄們，因為我都係岩岩先開始轉用偈油
而且係朋友俾既
我再問返佢用既偈油係電單車四程程引擎用
15/40WT，半合成
個潤滑程度俾以前用finsih line個D臘性係好好多
不過要預左污糟囉