今日都順利完成, 按錶時間約1:53:51, 應該同晶片時間差唔多, 唔記睇大會時間, 因為我係1:45~2:00區起步, 所以估計大會時間約1:54~55左右.
條路真係好難跑, 頭果400米已經想死, 以為今次實死啦, 第一段就無力啦, 不過左呢後又好似OK, 雖然之後都不斷上斜, 但係最少無慢慢斜, 輕鬆好多, 好在之前都練番課上落, 唔係就頂唔住啦.
跑到入面, 原本好專心跑, 點知又成地牛屎, 有d仲幾新鮮下, 只好步步為營, 不時都見到幾個網友在附近....szesze, blurmax, 亞平等等....
之後以為上左壩就好景啦, 點知過完壩仲有咁長路, 左轉右轉, 不停係到望著, 幾時先U-Turn, 終於過完九曲十三灣, 見到個碼頭U-TURN啦, 真係開心死, 返回大壩後, 見錶已經知道可以SUB2, 想衝埋最後一段, 可惜, 最後一公里左腳想老抽, 最後都可以順利回來.
跑完, 我突然諗, 黎緊會第一次跑渣打半馬, 咁美津濃半馬同渣打半馬比, 邊個會辛苦的呢? |