两年前開始由長跑轉玩三鐵,到港島一三鐵專門店買三鐵衫, 與+歲小兒一起進店後我表明想買件鐵人衫,店主第一句就問"你個仔想参加鐵人賽咩?' 我話係我要参加,於是佢就介紹咗一D两截的鐵人衫比我, 我問我可唔可以著一件頭,佢話到'專業D"個時啦。後尾買在件两截鐵人衫穿上,先知道"鐵人衫"係要有鐵人體態"先著得起,我個小肚腩比件衫束住,特別外眼,個時才知道店主的好意。
玩三項鐵人两年, 有了一個意外"獎賞', 就係老婆封我"完美體態", 不知不覺"著得起"件鐵人衫 (仍然係两件頭)。其實, 以前跑步體形較清減, 脚較瘦,上身不夠强;自從增加了游水, 踩車後上身胸肌增大, 手臂二頭肌,三頭肌, 腹肌, 大腿肌同時增大,對於我Master 2的中坑, 算是第四期發育了。
經常有睇D外國三鐵書, 個個Elite 身型都好均衡,加上古銅式皮膚, 著上鐵人衫, 載上O 牌黑超,簡直剎成人。
所以係度呼遇一吓, 好想拥人"完美體態"的長跑ching, 盡早加入三鐵大軍。 |