賽後投票- 2011.11.20 第一屆HKMP 20K—萬宜地質之旅

shogikin

賽後投票-  2011.11.20 第一屆HKMP 20K—萬宜地質之旅

細則: 只供有報名參加跑手投票

以10分為最高

投完票後, 請登出個人評分及就比賽給予簡評及/或意見
請登出個人跑評及個人評分及各個細項(可因應個人喜好增減)
格色如下 eg:
總分8 (賽道設計8, 賽事安排 8, 日期時間9, 紀念品7,收費6,氣氛9)

投票為期7日,比賽後數日內開始
投票投票結果會作為年終總選是否作為選項其中一個參考
投票後討論,按情況關閉.各項細則,可按情況更改
投票結果及評論,只反映跑友意見,與本網立場無關

tank1438

賽道極具挑戰性,可說係我比賽過的最地獄賽道,不過風景怡人,都OK舒服...加上成績唔錯,所以都幾難忘...!!
最大問題係無封路,經常有的士/旅遊車經過,有少少危險...!!

scscsc

同意大部分tank1438所言，萬宜賽道出名起伏，今次加上跑上水壩實不易應付，不過我覺得每段起伏之間都有足夠的平路有機會「回氣」，如果策略得宜也可以有好成績！反而汀九賽道開始1km大上斜令起步人群「塞車」就不大理想了。

路標清晰，每公里都擺了路標，到最後2k 加至五百米一個，落斜最後500m更設每100m一個，讓跑手更易預算速度。如果是半馬新手就不要參加這個比賽了，我見到有幾個跑手跑了一小時多只跑了6、7k，應該未能完成賽事了。

其他基本安排都妥當，讚賞10K地質公園也有安排人拍照，在最後2K左右加了一個水站都是從善如流的安排，不過如果再調整一下如加在10KTURNING POINT會更多。

今次沒有封路是有點危險，可能參賽人數較少吧！之前二、三千人比賽都有封路的。



總分8 (賽道設計8, 賽事安排 9, 日期時間8, 紀念品7,收費7,氣氛8)

[ 本帖最後由 scscsc 於 2011-11-20 22:46 編輯 ]

felixcat

人數少好難爭取到全段封路係可以理解，不過真係唔明起、終點要設响草地，點解唔後少少响傷健樂園對出嘅避車處，又唔阻人同其他車輛。

另外唔封車路都最好有人響衝線前條行人路疏導一吓，因為有好多遊人响行人路度行，而終點又設響行人路旁，好大機會人撞人。

唔太同意响10K TURNING POINT加水站，因為D紙杯响果度好難清理，係要加就响壩頂好D。

總分8 (賽道設計8, 賽事安排7, 日期時間8, 紀念品8,收費8,氣氛7)

adur661

價錢幾好，20K，180蚊另加20蚊有單程車。
如果唔係有個熱門比賽係同一日，可能會多人d。
跑道都暢通，
本身之前都有跑過呢條路，但係想唔到中間10K要落去跑，上返去真係好刺激。


總分8.7 (賽道設計10, 賽事安排 10, 日期時間8, 紀念品8,收費10,氣氛6)